რეგიონებში მოსახლეობის სტაბილური წყალმომარაგებისთვის გაერთიანებული წყალმომარაგების კომპანია სამშენებლო პროექტების განხორციელებას აქტიურად განაგრძობს.

კომპანიის ინფორმაციით, ამჯერად, წყლის სისტემის მშენებლობა-რეაბილიტაცია ახმეტის მუნიციპალიტეტის სოფელ მატანში იწყება.

სამუშაოებს ტენდერში გამარჯვებული კომპანია „ჯი პი სი“ შეასრულებს.

გაერთიანებული წყალმომარაგების კომპანიის ინფორმაციით, სოფელში წყალმომარაგების ცენტრალიზებული სისტემა არ არსებობს, მოსახლეობა ძირითადად საუბნო ონკანებით სარგებლობს.

მათივე ცნობით, პროექტის ფარგლებში მოეწყობა წყალმომარაგების ცენტრალიზებული სისტემა, აშენდება წყლის სათავე ნაგებობები, რეზერვუარი და მოხდება მრიცხველების მოწყობა.

კომპანიაში აცხადებენ, რომ სამუშაოები მომავალ წელს დასრულდება, რის შემდეგაც 5 000-მდე ადგილობრივი უწყვეტი წყალმომარაგებით ისარგებლებს.

პროექტს 6 მილიონ ლარზე მეტი მოხმარდება.