გიორგი ვაშაძე - ერთადერთი, რასაც ხელისუფლებამ მიაღწია, ეს არის: 36 მილიონერი პარლამენტში, ოფიციალურად მილიონერი 6 მინისტრი, გამდიდრებული მათი ახლობლები და გაღარიბებული ხალხი

ერთადერთი, რასაც მათ მიაღწიეს ეს არის: 36 მილიონერი პარლამენტში,ოფიციალურად მილიონერი 6 მინისტრი, გამდიდრებული მათი ახლობლები და გაღარიბებული ხალხი, - ასე აფასებს „სტრატეგია აღმაშენებლის“ ლიდერი, გიორგი ვაშაძე „ქართული ოცნების“ ხელისუფლებაში ყოფნის 8 წელს.

მისივე თქმით, 31 ოქტომბერს საზოგადოება არჩევანს გააკეთებს საქმის მკეთებელთა გუნდსა და ფულის მკეთებელთა გუნდს შორის.

"ზუსტად 8 წელი გავიდა მას შემდეგ რაც „დამსხვრეული ოცნებების“ პარტია მართავს ქვეყანას. 8 წლის მანძილზე არცერთი დაპირება რომელიც მათ მისცეს საქართველოს მოსახლეობას არ შეუსრულებიათ. მილიონზე მეტი ადამიანი ქვეყანაში უკიდურეს სიღარიბეშია, 220 000 სამუშაო ადგილი დავკარგეთ. 8 წლის თავზე სასამართლოს მართავს კლანი, გაორმაგებულია დანაშაული და განახევრებულია გახსნის მაჩვენებელი, უმძიმესი კრიმინოგენული სიტუაცია გვაქვს ქვეყანაში. ბოლომდე ჩამოშლილია სამართალდამცავი უწყებები, რომლებიც მხოლოდ პოლიტიკურ ინტერესებს იცავენ. ჩვენ ვართ აშშ-ს სანქცირებულ ქვეყანათა სიაში, მცოცავი ოკუპაცია გრძელდება და უსამართლოდ მაღალ 30, 40% -ს იხდიან მონოპოლისტურ საბანკო სისტემაში საქართველოს მოქალაქეები.

ერთადერთი რასაც მათ მიაღწიეს ეს არის 36 მილიონერი პარლამენტში,ოფიციალურად მილიონერი 6 მინისტრი, გამდიდრებული მათი ნათესავები და მეგობრები და გაღარიბებული ხალხი. სწორედ ამიტომ, 31 ოქტომბერი არის გადამწყვეტი დღე, როდესაც საქართველომ ეს ტყუილები უნდა დაასრულოს და დაიწყოს აღმშენებლობა. არჩევანი ძალიან მარტივია საქმის მკეთებელთა გუნდი, თუ ფულის მკეთებელთა გუნდი - ეს არის მარტივი განმასხვავებელი ჩვენსა და მათ შორის,“ - განაცხადა გიორგი ვაშაძემ.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა