რუსი ოპოზიციონერი ალექსეი ნავალნი აცხადებს, რომ მისი მოწამვლის უკან რუსეთის პრეზიდენტი ვლადიმერ პუტინი დგას.
„ვაცხადებ, რომ ამ დანაშაულის უკან პუტინი დგას, მე არ მაქვს სხვა ვერსია იმის შესახებ, რაც მოხდა,“- განაცხადა ნავალნიმ Der Spiegel-თან ინტერვიუში.
გამოცემასთან საუბარში მან ის მომენტიც გაიხსენა, როდესაც ნერვულმა აგენტმა მოქმედება დაიწყო.
„ტკივილს ვერ გრძნობ, მაგრამ იცი, რომ კვდები,“- აღნიშნა კრემლის კრიტიკოსმა.
ალექსეი ნავალნის თქმით, ის რუსეთში დაბრუნებას გეგმავს.