საერთაშორისო ორგანიზაციებს და საელჩოებს ბაჩალიაშვილის საქმეზე „ადამიანის უფლებათა ცენტრის“ მიერ მომზადებული დოკუმენტის პირველადი ვერსია გააცნეს

,,ადამიანის უფლებათა ცენტრმა“ და მიხეილ რამიშვილმა საერთაშორისო ორგანიზაციებს და საელჩოებს ცენტრის მიერ მომზადებული დოკუმენტის პირველადი ვერსია წარუდგინა, რომელიც მათი შეფასებით, თამარ ბაჩალიაშვილის საქმეზე არსებულ ხარვეზებს და დარღვევებს ეხება.

როგორც „ინტერპრესნიუსთან“ საუბრისას ბაჩალიაშვილის ოჯახის ერთ-ერთმა ადვოკატმა და „ადამიანის უფლებათა ცენტრის“ უფლებადამცველმა ეკა ქობესაშვილმა განაცხადა, საერთაშორისო ორგანიზაციებმა და საელჩოებმა დახურულ შეხვედრაზე საკუთარი პოზიციის დაფიქსირებისგან თავი შეიკავეს, თუმცა მათი შენიშვნები ჩაინიშნეს და აღნიშნულ დოკუმენტს გაეცნობიან.

,,დღეს „ადამიანის უფლებათა ცენტრის“ წარმომადგენლები და მიხეილ რამიშვილი შევხვდით საერთაშორისო ორგანიზაციებისა და საელჩოების წარმომადგენლებს. შეხვედრა იყო დახურული და მათ მივაწოდეთ პირველადი ვერსია ადამიანის უფლებათა ცენტრის მიერ მომზადებული დოკუმენტის, რომელიც ეხება ბაჩალიაშვილის საქმეზე არსებულ ხარვეზებს და დარღვევებს, ასევე რა არ გააკეთა გამოძიებამ პირველი ეტაპიდან მოყოლებული დღემდე და რისი გაკეთების შემთხვევაშიც უფრო მეტი სიცხადე იქნებოდა საქმეში. მათ საკუთარი პოზიცია არ დაუფიქსირებიათ, მოინიშნეს ჩვენი შენიშვნები და წაიღეს ის დოკუმენტი რომელიც შევთავაზეთ.

არ არის დადასტურებული, რომ მანქანა იქ იდგა 5 დღის განმავლობაში, ასევე არ არის ამოღებული სისხლის წვეთების გენეტიკური პროფილი, უცხო დნმ-ის გენეტიკური პროფილი პირბადეზე. არ არის დადგენილი ფოტორობოტზე არსებული პიროვნება, რომლის დადგენაც გამოძიებისთვის ძალიან მნიშვნელოვანია. რატომ არ არის დღემდე დაკითხული ელისო კილაძე, რომ ფაქტების სიღრმისეული კვლევა მოხდეს. იყო თუ არა ჩამქრალი შუქი იმ ღამით როდესაც ბაჩალიაშვილის მანქანა იპოვეს, ეს ყველაფერი დაკონკრეტებით არის წარდგენილი საერთაშორისო ორგანიზაციებისთვის და საელჩოებისთვის,“ - აღნიშნა ეკა ქობესაშვილმა.

ცნობისთვის, თამარ ბაჩალიაშვილი 18 ივლისს გაუჩინარდა. ის 5-დღიანი ძებნის შემდეგ თეთრიწყაროს ტყესთან, საკუთარ მანქანაში გარდაცვლილი იპოვეს. ბაჩალიაშვილის საქმეზე გამოძიება თავისუფლების უკანონო აღკვეთის მუხლით დაიწყო, შემდეგ კი ბრალდების კვალიფიკაციას თვითმკვლელობამდე მიყვანის მუხლი დაემატა.

ვიტალი ბალა - თუ რუსეთმა უკრაინის საზღვრებიდან თავისი სამხედროების გაყვანა არ დაიწყო, ცხადი გახდება, რომ ბაიდენი და პუტინი უკრაინასთან დაკავშირებით ვერაფერზე შეთანხმდნენ
გიორგი კუნაძე - ამჯერად გადავრჩით, მაგრამ, როგორც იტყვიან - უკეთესობის უნდა გჯეროდეს, მაგრამ უარესისთვის უნდა ემზადო
ქართული პრესის მიმოხილვა 06.12.2021
ოქროყანაში რეკრეაციულ სამკუთხედში მოქცეული უნიკალური საცხოვრებელი უბანი სიმეტრია პარკი შენდება
„ვისოლ ავტო ექსპრესი” ავტომომსახურების ცენტრების ქსელის განვითარებას განაგრძობს
პროკრედიტ ბანკის სამეთვალყურეო საბჭოს ორი დამოუკიდებელი წევრი შეემატა
სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“