მტერი სამხედრო მოსამსახურეების სერიოზულ დანაკლისს განიცდის, ფრონტზე უკვე ქალებს აგზავნიან, - აზერბაიჯანული მედიის ინფორმაციით, ამის შესახებ ქვეყნის თავდაცვის სამინისტროს პრესსამსახურის უფროსმა პოლკოვნიკმა ვაგიფ დარგახლიმ განაცხადა.
მისივე თქმით, ამის მიზეზი ის არის, რომ მიმდინარე ბრძოლების დროს სომხეთის შეიარაღებულმა ძალებმა მნიშვნელოვანი დანაკარგი განიცადა, გარდა ამისა, ბევრმა სამხედრო მოსამსახურემ ბრძოლაზე უარი თქვა.