„თავისუფალმა საქართველომ“ კახეთის მაჟორიტარობის კანდიდატად მაია წერეთელი დაასახელა

„თავისუფალმა საქართველომ“ დღეს საკუთარ მხარდამჭერებს დეპუტატობის კიდევ ერთი კანდიდატი წარუდგინა. დეპუტატის მანდატის მოსაპოვებლად, თელავის, ახმეტისა და ლაგოდეხის ოლქში მაია წერეთელი იბრძოლებს, - ამის შესახებ ინფორმაციას „თავისუფალი საქართველო“ ავრცელებს.

როგორც პარტიის ლიდერმა, კახა კუკავამ განაცხადა, წინასაარჩევნო კამპანია გადამწყვეტ ფაზაში შედის და პოლიტიკური ტემპერატურა იმატებს.

"წინასაარჩევნოდ, როგორც მოსალოდნელი იყო „ნაციონალურმა მოძრაობამ და „ქართულმა ოცნებამ“ ხალხს მორიგი სანახაობა შესთავაზა, რომელიც მთლიანად ძალადობაზეა აგებული. ასე ხდება, მაშინ, როდესაც პოლიტიკურად გაკოტრებულ ძალებს აღარანაირი რესურსი აღარ გააჩნიათ და საზოგადოების ყურადღების მოპოვებას, მხოლოდ მძაფრი კადრებით ცდილობენ. დავაკვირდეთ, ყოველი არჩევნების წინ ასე ხდება, მაგრამ არ არსებობს არცერთი ფაქტი, როდესაც ვინმემ სათანადო პასუხი აგო კანონის წინაშე. სამაგიეროდ აქცენტი ორ პოლიტიკურ ძალაზე კეთდება და ხდება იმიტაცია, რომ მათ გარდა, სხვა აღარ არსებობს, ანუ თავის დროზე, როგორც ივანიშვილმა თქვა, მესამე ძალა „შუა უნდა გაიკრიფოს“. თუ ჩვენ დემოკრატიულ სახელმწიფოს ვაშენებთ, მიმაჩნია რომ ასეთი, არა თუ ქმედება, არამედ აზროვნებაც კი უნდა დამთავრდეს, წინააღმდეგ შემთხვევაში მივიღებთ იმ სახელმწიფოების პოლიტიკურ წყობას, რომელიც აფრიკულ ქვეყნებს ახასიათებთ და ევროპულთან საერთო არაფერი აქვთ“, - განაცხადა კახა კუკავამ.

მოგვიანებით, თელავში შეკრებილ საზოგადოებას „თავისუფალი საქართველოს“ მაჟორიტარი დეპუტატობის კანდიდატმა, მაია წერეთელმა მიმართა.

„ეროვნული მოძრაობის პირველ წლებში პოლიტიკოსები და ხალხი ერთი მთლიანი ორგანიზმი გახლდათ. ეს იყო ერთი უმთავრესი იდეის მატარებელი საზოგადოება. მაშინდელმა პოლიტიკოსებმა, ხალხის მხარდაჭერით უზენაეს მიზანს მიაღწიეს - საქართველო დამოუკიდებელი გახდა. დღეს კი საზოგადოება და პოლიტიკოსები სხვადასხვა მხარეს დგანან. ხალხმა მათი ნდობა დაკარგა, პოლიტიკა და პოლიტიკოსები, უკვე სიცრუესთან, ტყუილთან ასოცირდებიან. ეს მოცემულობა საქართველოს დამოუკიდებლობიდან სამი ათეული წლის შემდეგ მივიღეთ, რადგან ზუსტად ეს პერიოდია, რაც ქვეყანას ნეოლიბერალები მართავენ, რომლებსაც, მხოლოდ საკუთარი ინტერესები ამოძრავებთ, ეროვნულმა ინტერესებმა კი მხოლოდ ვირტუალურ სივრცეში გადაინაცვლა. ოლიგარქები, ფეოდალებად გადაიქცნენ, რომლებმაც საქართველოს რეგიონები გავლენის სფეროებად გადაინაწილეს. მაშინ, როდესაც წლიდან-წლამდე საქართველოს მოსახლეობა უკიდურესად ღარიბდება, ეს ფეოდალები უკიდურესად გამდიდრდნენ, ახლა კი კიდევ ერთხელ უნდათ ხალხის მხარდაჭერა „ფოჩიანი კამფეტით“ მოიპოვონ, რათა მომდევნო ოთხი წლის განმავლობაში მათ ბიზნესინტერესებს არაფერი დაემუქროს“, - განაცხადა წერეთელმა და აღნიშნა, რომ ქვეყანაში მიმდინარე ანტისახალხო პოლიტიკის დასრულება ისევ და ისევ, მხოლოდ ხალხს შეუძლია, ამის შესაძლებლობა კი 2020 წლის 31 ოქტომბრის არჩევნებია.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი