შპს „საქართველოს გაზის ტრანსპორტირების კომპანიის“ მიერ წითელი ხიდი-წალკა-ახალქალაქის მაგისტრალური გაზსადენის 78.7 კილომეტრზე არსებული კარდენახის გაზგამანაწილებელ სადგურში ძველის ნაცვლად ოდორიზაციის ახალი კვანძი დამონტაჟდება. ამის შესახებ ინფორმაციას „გაზის ტრანსპორტირების კომპანია“ ავრცელებს.

მათი ცნობით, ოდორიზაციის ახალი კვანძის დამონტაჟებისთვის საჭირო სამუშაოებიდან გამომდინარე, მიმდინარე წლის 9 ოქტომბრის 10:00-დან 12:00 საათამდე ბუნებრივი გაზის მიწოდება შეუწყდება გურჯაანის მუნიციპალიტეტის სოფლებს: კარდენახს, ბაკურციხესა და კოლაგს.

„საქართველოს გაზის ტრანსპორტირების კომპანიის” ინფორმაციით, ისინი სისტემატურად ახორციელებენ გაზსადენებისა და გაზგამანაწილებელი სადგურების სარემონტო-სარეაბილიტაციო სამუშაოებს, რაც უზრუნველყოფს მომხმარებლების უსაფრთხო, საიმედო და უწყვეტ გაზმომარაგებას.