სახელმწიფო უსაფრთხოების სამსახურის უფროსმა სამოქალაქო სექტორის წარმომადგენლებთან შეხვედრა გამართა

სახელმწიფო უსაფრთხოების სამსახურის უფროსმა, გრიგოლ ლილუაშვილმა უსაფრთხოების საკითხებზე მომუშავე არასამთავრობო ორგანიზაციებთან, ექსპერტებსა და მკვლევარებთან თემატური შეხვედრა გამართა. აღნიშნულ ინფორმაციას სახელმწიფო უსაფრთხოების სამსახური ავრცელებს.

მათი ცნობით, შეხვედრაზე მხარეებმა აზერბაიჯანსა და სომხეთს შორის მიმდინარე სამხედრო დაპირისპირება და მისი გავლენა საქართველოსა და რეგიონის უსაფრთხოებაზე განიხილეს.

„გრიგოლ ლილუაშვილმა ქვეყნის წინაშე მდგარი უსაფრთხოების საკითხების გარშემო საექსპერტო წრეებთან მჭიდრო კომუნიკაციის მნიშვნელობას გაუსვა ხაზი.

სახელმწიფო უსაფრთხოების სამსახურის წარმომადგენლებმა მონაწილეებს გააცნეს საკუთარი ხედვა აღნიშნულ საკითხებთან დაკავშირებით. გამოიკვეთა პრობლემური საკითხები და ცალკეული ორგანიზაციებისა თუ მკვლევარების მხრიდან რეკომენდაციები გაჟღერდა.

გრიგოლ ლილუაშვილმა დამსწრე საზოგადოებას დისკუსიაში აქტიური მონაწილეობისთვის მადლობა გადაუხადა და აღნიშნა, რომ მგავსი ღონისძიება საშუალებას იძლევა, ჩამოყალიბდეს ღია პარტნიორული ურთიერთობები სამსახურსა და სამოქალაქო სექტორს შორის, მოხდეს შეხედულებების გაცვლა და პოზიციების შეჯერება.

შეხვედრაში მონაწილეობა 25-მდე ექსპერტმა, მკვლევარმა და არასამთავრობო ორგანიზაციების წარმომადგენელმა მიიღო. ღონისძიებას ასევე ესწრებოდნენ სახელმწიფო უსაფრთხოების სამსახურის სხვადასხვა დეპარტამენტის ხელმძღვანელი პირები და წარმომადგენლები”, - ნათქვამია განცხადებაში.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა