ადვოკატი - ნატალია ილიჩოვას არავისთვის არაფერი დაუმალავს და ყველა რუკა, რომელსაც კომისია იხილავდა, ინტერნეტსივრცეშია გავრცელებულია და ყველგან დევს

საქართველოს ტერიტორიების წინააღმდეგ მიმართულ ქმედებაში ბრალდებულ ნატალია ილიჩოვას ადვოკატის, სულხან კომახიძის განცხადებით, მისი დაცვის ქვეშ მყოფს არაფერი დაუმალავს და რუკა, რომელსაც კომისია იხილავდა, საჯაროა.

კომახიძის თქმითვე, ნატალია ილიჩოვა ბრალს არ აღიარებს და საქმეს პოლიტიკური ელფერი აქვს.

„ქალბატონ ნატალიას ბრალი საქართველოს ინტერესების საწინააღმდეგო მოქმედებაში ედება. ის ამ ბრალს არ აღიარებს და ბუნებრივია, ვერ აღიარებს იმას, რაც არ ჩაუდენია. დაკავებულია მოსამართლის განჩინებით, იმედია, როცა სასამართლო აღკვეთის ღონისძიებაზე იმსჯელებს, მიიღებს სამართლიან გადაწყვეტილებას და მას პატიმრობას არ შეუფარდებს. ქალბატონი ნატალია საქართველოს მოქალაქეა, მის ინტერესებშიც შედის საქართველოს საზღვარი იყოს ისეთი, როგორიც გვინდა იყოს. ადამიანმა რუკის სწორად წაკითხვა რომ იცოდეს და სწორი ინფორმაცია მიაწოდოს კომისიას, ამისთვის ის პატიმრობაში არ უნდა იმყოფებოდეს. ბრალდებულთან შეთანხმებით პოლიტიკურ განცხადებას არ გავაკეთებ და ვერ გავაკეთებ, თუმცა, ყველა მოქმედება მიანიშნებს იმაზე, რომ ამ საქმეს პოლიტიკური სუნი უდის. რუკების მის კაბინეტში აღმოჩენაზე ბრალდებაში საუბარი არ არის, საქმის მასალები ჯერ არ მინახავს. მას არავისთვის არაფერი დაუმალავს და ყველა რუკა, რომელსაც კომისია იხილავდა, არამხოლოდ კაბინეტში, არამედ ინტერნეტსივრცეშია გავრცელებულია და ყველგან დევს“, - აცხადებს კომახიძე.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა