დაინტერესებული ხართ, რომ ხმაურიანი საქმე გახსნათ და ამ საზიზღარი ბრალდებით გამიშვათ, ამის უფლებას არ მოგცემთ, ბოლომდე ვიბრძოლებ, - ამის შესახებ საქართველოს საწინააღმდეგოდ მიმართულ ქმედებაში ბრალდებულმა ივერი მელაშვილმა განაცხადა.

"ვერ ვხვდები, პროკურატურა რა შუაშია, რომ ამ დეტალებს იხილავს. თუ საჭიროება არსებობს, რომ რაღაცის განხილვა მოხდეს, კი ბატონო, მაგიდასთან სპეციალისტების თანდასწრებით მოხდეს. არ შეიძლება, თეთრზე იძახო ყავისფერიაო, ან ეს სჯობს იმასო. ვინ გითხრათ, რომ ჯობს? სად იყვნენ ეს ექსპერტები ან ის პირები? ვილაპარაკოთ ამაზე გინდა მაგიდასთან და გინდა ისე, მაგრამ თუ მე ამისთვის ციხეში გამიშვებთ და იმას ალაპარაკებთ, რაც გაგიხარდებათ იმას, ვიტყვი, რომ არ ხართ სიმართლის დადგენით დაინტერესებული. დაინტერესებული ხართ იმაში, რომ ხმაურიანი საქმე გახსნათ და ამ საზიზღარი ბრალდებით გამიშვათ, ამის უფლებას არ მოგცემთ, ბოლომდე ვიბრძოლებ, არსად გამქცევი არ ვარ, არსად წამსვლელი არ ვარ, გინდა ჩამსვით, გინდა გარეთ ვიყო, ის ვარ, რაც ვარ", - განაცხადა მელაშვილმა.