მცხეთის რაიონულ სასამართლოში ფეხბურთელ გიორგი შაქარაშვილის საქმეზე დაკავებული 11 პირის წინასასამართლო სხდომა მიმდინარეობს.
დღევანდელ პროცესზე გადაწყდება, აღნიშნული საქმე გადაეცემა თუ არა სასამართლოს არსებითად განსახილველად. ამასთან, დღესვე გახდება ცნობილი, 11 პირიდან 4 - არჩილ გაგნიძე, ნიკოლოზ რევაზიშვილი, ვასილ მახარაძე და ვახტანგ ჩიქოვანი აირჩევენ თუ არა ნაფიც მსაჯულთა სასამართლოს.
ცნობისთვის, ფეხბურთელ გიორგი შაქარაშვილის საქმეზე დაკავებულ პირებს ძალადობას, ძალადობის ორგანიზებას, მასში მონაწილეობასა და თავისუფლების უკანონო აღკვეთას ედავებიან. სწორედ თავისუფლების უკანონო აღკვეთა ითვალისწინებს საქმის ნაფიც მსაჯულთა სასამართლოს მიერ განხილვას.