აზერბაიჯანის პრეზიდენტის, ილჰამ ალიევის, თქმით, აზერბაიჯანულმა არმიამ ოკუპაციისგან გადრუტის დასახლება და რამდენიმე სოფელი გაათავისუფლა, - ამის შესახებ ინფორმაციას აზერბაიჯანული მედია ავრცელებს.
ალიევის ინფორმაციით, გადრუტის დასახლების გარდა 8 სოფელი გაათავისუფლეს.
„გადრუტის დასახლებისა და ამ სოფლების ოკუპაციისგან გათავისუფლება ისტორიული გამარჯვებაა,“- აღნიშნა ალიევმა.
აზერბაიჯანის პრეზიდენტის მტკიცებით, 27 სექტემბრიდან დღემდე მისი ქვეყნის შეიარაღებულმა ძალებმა სომხეთის არმიას „ძლიერი დარტყმა მიაყენა.“