გიორგი დანელია - „სახელმწიფო კორპორაციები არ უნდა იყვნენ „საპარტნიორო ფონდის“ შემადგენლობაში, ფონდი მხოლოდ საინვესტიციო საქმიანობაზე უნდა კონცენტრირდეს“

საქართველოს რკინიგზა და სხვა მსხვილი სახელმწიფო კორპორაციები არ უნდა იყვნენ „საპარტნიორო ფონდის“ სტრუქტურის შემადგენლობაში“,-ამის შესახებ „საპარტნიორო ფონდის“ აღმასრულებელი დირექტორის მოადგილემ, გიორგი დანელიამ განაცხადა.

მისივე თქმით, რეორგანიზაციის ფარგლებში სახელმწიფო აქტივების ფონდის გარეთ გატანა მთავარი საკითხია.

„ბოლო წლების განმავლობაში ძალიან აქტიურად ვსაუბრობთ „საპარტნიორო ფონდის“ რეორგანიზაციის აუცილებლობის შესახებ, როგორც ფონდის სამეთვალყურეო საბჭოსთან, ასევე, პარტნიორებთან, საერთაშორისო სავალუტო ფონდთან და სხვა ფინანსურ ინსტიტუტებთან, რომელთა ჩართულობა და როლი ამ პროცესში უმნიშვნელოვანესია.

ერთ-ერთი მთავარი საკითხი, რომელსაც ჩვენ ვაყენებთ რეორგანიზაციის ფარგლებში, არის სახელმწიფო აქტივების ფონდის გარეთ გატანა. მივიჩნევთ, რომ საქართველოს რკინიგზა და სხვა მსხვილი სახელმწიფო კორპორაციები არ უნდა იყვნენ „საპარტნიორო ფონდის“ სტრუქტურის შემადგენლობაში, ფონდი უნდა კონცენტრირდეს მხოლოდ საინვესტიციო საქმიანობაზე. ეს პროცესი დაწყებულია. რეფორმირების პირველ ეტაპზე ენერგეტიკული კომპანიები „საქართველოს სახელმწიფო ელექტროსისტემა“ და „ესკო“ გავიდნენ ფონდის სტრუქტურიდან და ეკონომიკის სამინისტროს გადავეცით,“- განაცხადა „საპარტნიორო ფონდის“ აღმასრულებელი დირექტორის მოადგილემ, გიორგი დანელიამ.

როგორც გიორგი დანელიამ აღნიშნა, „საპარტნიორო ფონდი“ უნდა იყოს საინვესტიციო ფონდი, რომელიც კონცენტრირდება კონკრეტულ პროექტებზე, კონკრეტული მიმართულებით.

„ვფიქრობთ, ჩვენი როლი მნიშვნელოვანია წარმოების, ასევე, მაღალტექნოლოგიური სექტორის განვითარებაში. აქვე აღსანიშნავია, რომ ჩვენ არ ვართ პროაქტიური ინვესტორები, ჩვენ არ მივდივართ ბიზნესთან და არ ვუწევთ კონკურენციას ბანკებს ან სხვა ფინანსურ ინსტიტუტებს, რომლებიც დააფინანსებდნენ ამა თუ იმ პროექტს. ჩვენ ვართ, ასე ვთქვათ, მათი დამხმარე და ბიზნესი თვითონ მოდის ჩვენთან, თუ მას სჭირდება კაპიტალით დაფინანსება და არა - სესხი. „საპარტნიორო ფონდი“ კი ეხმარება ბიზნესს, რომ მათი პროექტი ბანკისთვის უფრო მიმზიდველები გახდეს“, - განაცხადა გიორგი დანელიამ.

ინფორმაციას „საპარტნიორო ფონდი“ ავრცელებს.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა