მოსკოვში სომხეთის, აზერბაიჯანისა და რუსეთის საგარეო უწყებების ხელმძღვანელებს შორის სამმხრივი მოლაპარაკებები 5 საათზე მეტია გრძელდება. სერგეი ლავროვი, ზოგრაბ მნაცაკანიანი და ჯეიჰუნ ბაირამოვი მთიან ყარაბაღში შექმნილ სიტუაციაზე მსჯელობენ.

როგორც სომხური მედია წერს, მოლაპარაკებები მოკლე პერიოდით შეწყდა, რადგანაც აზერბაიჯანის დელეგაციამ პროცესი დატოვა. ჟურნალისტების განმარტებით, აზერბაიჯანის ელჩი საელჩოში გაემგზავრა, რათა აუცილებელი ზარები განეხორციელებინა, თუმცა მოლაპარაკებები მალევე განახლდა.

შეგახსენებთ, რუსეთის პრეზიდენტმა ვლადიმერ პუტინმა სომხეთისა და აზერბაიჯანის საგარეო საქმეთა მინისტრები მთიანი ყარაბაღის კონფლიქტთან დაკავშირებით კონსულტაციებისთვის მოსკოვში მიიწვია.