არჩილ თალაკვაძე - ჩვენ გვაქვს საკმარისი მხარდაჭერა იმისთვის, რომ გავიმარჯვოთ ამ არჩევნებში, ჩამოვაყალიბოთ უმრავლესობა და დავაკომპლექტოთ მთავრობა

ჩვენ გვაქვს საკმარისი მხარდაჭერა იმისთვის, რათა გავიმარჯვოთ ამ არჩევნებში, ჩამოვაყალიბოთ უმრავლესობა და დავაკომპლექტოთ მთავრობა,- ამის შესახებ პარლამენტის თავმჯდომარემ არჩილ თალაკვაძემ ჟურნალისტებს განუცხადა.

მან უკანასკნელ პერიოდში საკანონმდებლო დონეზე გატარებულ რეფორმებზეც გაამახვილა ყურადღება და აღნიშნა, რომ შედეგად ქვეყანაში იქნება უფრო სტაბილური პოლიტიკური სისტემა.

„ყველა ავტორიტეტული კვლევის თანახმად, „ქართული ოცნებისა“ და ჩვენი პოლიტიკური გუნდის მიმართ მხარდაჭერა სხვადასხვა რეგიონში 54%-დან 64%-მდე მერყეობს, რაც ნიშნავს იმას, რომ ჩვენ გვაქვს საკმარისი მხარდაჭერა იმისთვის, რათა გავიმარჯვოთ ამ არჩევნებში, ჩამოვაყალიბოთ უმრავლესობა და დავაკომპლექტოთ მთავრობა. რასაკვირველია, ამასთანავე, კარგად გვესმის იმ რეფორმების მნიშვნელობა, რომლებიც ჩვენ გავატარეთ და, რომელიც ქმნის საქართველოში უფრო სტაბილურ პოლიტიკურ სისტემას, უფრო წარმომადგენლობით პარლამენტს და, რა თქმა უნდა, ეს სისტემა უფრო მეტად იქნება ორიენტირებული თანამშრომლობაზე. ეს არის „ქართული იცნების“ დემოკრატიული გადაწყვეტილებები და მე ჩვენს საზოგადოებას მადლობას ვუხდი, რომ მთელი ამ წლების განმავლობაში, ჩვენ გვქონდა მნიშვნელოვანი მხარდაჭერა ამ რეფორმებში. რასაკვირველია, ჩვენ უზრუნველვყოფთ მთლიანად და საქართველო მზად არის არსებითად პროპორციული სისტემით დემოკრატიული არჩევნების ჩასატარებლად. ჩვენი ქვეყანა ამ შესაძლებლობას გამოიყენებს, ჩვენ დავუმტკიცებთ მოქალაქეებსა და პარტნიორებს, რომ საქართველო აგრძელებს თავისი დემოკრატიის გაძლიერებას და იმსახურებს ღირსეულ ადგილს ევროკავშირსა და ნატოში. ჩვენ აუცილებლად მოქალაქეებთან ერთად ამ წარმატებებს მივაღწევთ მომავალში,“- განაცხადა თალაკვაძემ.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა