ირანში, ბოლო 24 საათის განმავლობაში კორონავირუსის 3 822 ახალი შემთხვევა დაფიქსირდა და საერთო ჯამში, დადასტურებულ შემთხვევათა რიცხვმა 500 000-ს გადააჭარბა. ამ ინფორმაციას ირანის ჯანდაცვის სამინისტრო ავრცელებს.

ამასთან, გასული დღე-ღამის განმავლობაში ქვეყანაში კორონავირუსით გარდაცვლილთა რეკორდული მაჩვენებელი დაფიქსირდა. Covid-19-ს კიდევ 250 ადამიანი ემსხვერპლა და საერთო ჯამში, ვირუსით გარდაცვლილთა რიცხვმა 28 500-ს გადააჭარბა.

ირანის დედაქალაქში, თეირანში, საჯარო სივრცეებში, მათ შორის, შენობებს გარეთაც, პირბადის ტარება სავალდებულო გახდა.