კახა კუკავა - ხელისუფლებაში ”ქართული ოცნების" დარჩენა ან ”ნაციონალური მოძრაობის“ დაბრუნება, მარნეულის მოვლენებს თბილისშიც გამოიწვევს

ხელისუფლებაში ”ქართული ოცნების" დარჩენა ან ”ნაციონალური მოძრაობის“ დაბრუნება, მარნეულის მოვლენებს თბილისშიც გამოიწვევს, - აღნიშნული განცხადება „თავისუფალი საქართველოს“ ლიდერმა, კახა კუკავამ ვაზისუბანში მხარდამჭერებთან შეხვედრისას გააკეთა.

კუკავას შეფასებით, საპარლამენტო არჩევნების მოახლოებასთან ერთად, “იზრდება ქვეყნის კატასტროფისა და ამავე დროს ქვეყნის გადარჩენის შანსი“.

მისივე თქმით, წინა და მოქმედი ხელისუფლების წარმომადგენლები “ქვის სროლის პოლიტიკას” დღემდე ვერ გასცდნენ.

“ორივე ძალა დეკლარირებს, რომ პროევროპული მიმართულების ძალებს განეკუთვნება, მაგრამ მოდით შედეგებით ვიმსჯელოთ და არა მათ მიერ გაჟღერებული სიტყვებით. თითქმის 30 წელია, რაც საქართველო ძალადობას უყურებს. გამსახურდიას ხელისუფლების დამხობის შემდეგ, ქვეყანა ზუსტად ამ რეჟიმში ცხოვრობს. ჯერ იყო და ეროვნული მთავრობა, შევადნაძის „მოქალაქეთა კავშირმა“ ანტიკონსტიტუციური გზით ჩაანაცვლა, შემდეგ ქვეყნის სათავეში „ნაციონალურ მოძრაობად“ გარდაქმნილი, ისევ „მოქალაქეთა კავშირი“ მოვიდა, ხოლო ამის შემდეგ, სახელმწიფოს სათავეში, უკვე „ქართული ოცნებაა“, რომელიც კვლავ „ნაციონალური მოძრაობისგან“ პორტირებული ადამიანებითაა დაკომპლექტებული, საბოლოო ჯამში კი ქვეყანა, ახლაც მოქალაქეთა კავშირის ფესვებიდან იმართება, ამიტომაცაა რომ საქართველო ეროვნული პოლიტიკის მაგივრად ნეოლიბერალური კურსით „ვითარდება“, რამაც მთელი ჩვენი საზოგადოების სულიერი და მატერიალური გაკოტრება გამოიწვია. საზოგადოებაში გაჩნდა უიმედობა, სკეპტიციზმი, იმატა აგრესიამ, მომავალი თაობა კი, რომელიც ხვალინდელი ძლიერი სახელმწიფოს გარანტი უნდა იყოს - შიმშილობს. სტატისტიკური მონაცემების მიხედვით, ყოველ მე-3, მე-4 ბავშვს ელემენტარული საკვები აკლია. საქართველო, აფრიკის ქვეყნების მონაცემებს გაუტოლდა. აი, რა მოჰყვა ეროვნული ძალების დამხობას ფსევდო პატრიოტების მხრიდან, რომლებიც დღეს ისევ მიდიან მოსახლეობასთან და ლამაზი დაპირებებით, კვლავ საარჩევნო ხმებს თხოვენ“, - განაცხადა კახა კუკავამ.

„თავისუფალი საქართველოს“ ლიდერს მიაჩნია, რომ საზოგადოებამ დღეს ყველაზე მეტად უნდა გამოიჩინოს პრინციპული გადაწყვეტილება და ქვეყნის ორივე მოძალადე ძალას ხელისუფლებაში მოსვლაზე უარი უნდა უთხრას.

„ხმა მიეცით პატრიოტებს და არა იმ ადამიანებს, რომლებიც სამი ათეული წელია ქვეყანაზე და მის მოსახლეობაზე ფიზიკურად და ფსიქოლოგიურად ძალადობენ. ხმა მიეცით „თავისუფალ საქართველოს“, საქართველოს რეალური თავისუფლებისთვის”, - განაცხადა კახა კუკავამ.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 30.06.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
თბილისში დავით ტატიშვილის სამედიცინო ცენტრის კიდევ ერთი ფილიალი გაიხსნა
„ვენდისსა“ და „დანკინში“ „დორას“ „მამალოები“ უკვე წარმატებით იყიდება
კახა ოქრიაშვილი - „ყაველაშვილის ტრიო“ მომავალში მრავალი პოლიტიკური ტრიუკისთვის იქნება გამოყენებული
„ფოთის ახალ საზღვაო ნავსადგურში“ დოკერისა და მძღოლ-ოპერატორების კურსებზე პრაქტიკულ სწავლებას 40-ზე მეტი პირი გადის
„ონისი“ - 3 მეგობრის მიერ დაწყებული გემრიელი ბიზნესი
კარდიოასმაგნე - გულ-სისხლძარღვთა დაავადებების პრევენცია და მკურნალობა
„ლიბერთი“ მასწავლებელთა პოპულარიზაციის გლობალურ კამპანიას უჭერს მხარს
მელიქიშვილის 10 ნომერში სასტუმრო ”რამადა თბილისი” გაიხსნა
სს „ლიბერთი ბანკის“ გენერალურ დირექტორად ბექა გოგიჩაიშვილი დაინიშნა