დავით ბაქრაძე - 31 ოქტომბერი არის ცვლილებების დღე, ცვლილებები და უკეთესი მომავალი, პირველ რიგში, ახალგაზრდობას სჭირდება

მნიშვნელოვანია, რომ ოქტომბრის არჩევნებმა პირველ რიგში გარდამტეხი ცვლილებები მოუტანოს ახალგაზრდებს და მათი ცხოვრება შეცვალოს უკეთესობისაკენ, - ამის შესახებ „ევროპული საქართველოს“ ლიდერმა, დავით ბაქრაძემ, პარტიის ახალგაზრდა სპიკერთან, თათია ვახტანგაძესთან ერთად, მზიურის პარკში ახალგაზრდებთან შეხვედრის დროს განაცხადა.

„31 ოქტომბერი არის ცვლილებების დღე და ცვლილებები და უკეთესი მომავალი, პირველ რიგში, სჭირდება ახალგაზრდობას. ამიტომ, როდესაც ვსაუბრობთ იმაზე, რომ ქვეყანა უნდა წავიდეს წინ, რომ ქვეყანაში უნდა გაჩნდეს იმედი და პერსპექტივა, ქვეყანაში ახალგაზრდებს უნდა ჰქონდეთ განცდა, რომ მათ ექნებათ სამსახური და არ დასჭირდებათ საქართველოდან წასვლა ოჯახის შესაქმნელად.

ეს ყველაფერი არის ის, რაც უნდა მოიტანოს 31 ოქტომბრის არჩევნებმა და პირველ რიგში მნიშვნელოვანია, რომ ეს ყველაფერი ემსახურებოდეს ახალგაზრდების უკეთეს მომავალს. ამიტომ, ძალიან მოხარული და ამაყი ვარ, რომ დღეს ამდენი ახალგაზრდაა „ევროპულ საქართველოსთან“ ერთად და ეს არის ის გუნდი, ჩვენი ახალგაზრდული გუნდი, მხარდამჭერები, ვისაც უნდა უკეთესი, შეცვლილი და ევროპული საქართველო“, - განაცხადა ბაქრაძემ.

თათია ვახტანგაძემ ხაზი გაუსვა, რომ ახალგაზრდებთან კომუნიკაცია არის ყველაზე მნიშვნელოვანი პოლიტიკური პარტიებისთვის და დღეს სწორედ ასეთი მნიშვნელოვანი შეხვედრა ჰქონდათ მათთან.

„მიხარია, რომ ამდენი ახალგაზრდაა დაინტერესებული პოლიტიკით, სწორი კომუნიკაცია ახალგაზრდებთან არის მნიშვნელოვანი იმისთვის, რომ მათი აქტიურობა საარჩევნო პროცესში, რომელიც საკმაოდ დაბალია, გაიზარდოს.

სწორედ ამიტომ ვდგავარ „ევროპულ საქართველოსთან“, რადგან მათ იციან და აინტერესებთ რა აწუხებთ და რისი შეცვლა უნდათ ამ ქვეყანაში ახალგზარდებს,“- განაცხადა ვახტანგაძემ.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
გოჩა თევდორაძე - სიღარიბის და უმუშევრობის დაძლევისთვის ჩვენს მოსახლეობას საოჯახო ბიზნესს შევუქმნით (R)
მერაბ ჭიქაშვილი - "პატრიოტთა ალიანსი" ერთადერთი პარტიაა, რომელსაც კანონის აღსრულება შეუძლია!" (R)
საქართველოში პირველად ჰიბრიდული B2B ფორუმი ჩატარდა
26 ოქტომბერს ავსტრია ეროვნულ დღესასწაულს განსაკუთრებული აქტივობებით აღნიშნავს
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)