ლაშა ფარულავა - მიმდინარეობს ძალადობრივი საარჩევნო კამპანია, რაც არჩევნების ლეგიტიმურობას ეჭვქვეშ აყენებს

მიმდინარეობს ძალადობრივი საარჩევნო კამპანია, რაც მოახლოებული საპარლამენტო არჩევნების ლეგიტიმურობას ეჭვქვეშ აყენებს, - ამის შესახებ „სამოქალაქო პლატფორმა 20/20“-ის სადამკვირვებლო პროგრამის დირექტორმა ლაშა ფარულავამ სამგორის მაჟორიტარობის კანდიდატთან ლევან ხაბეიშვილთან და მისი შტაბის წევრთან ლევან ქართველიშვილთან შეხვედრის შემდეგ განაცხადა.

„სამოქალაქო პლატფორმა 20/20“-ის თავმჯდომარე ვასო ურუშაძე და სადამკვირვებლო პროგრამის დირექტორი ლაშა ფარულავა დღეს სამგორის მაჟორიტარობის კანდიდატთან ლევან ხაბეიშვილთან ერთად მისი შტაბის წევრს ლევან ქართველიშვილს შეხვდნენ, რომელსაც, 11 ოქტომბერს, ბახტრიონის ქუჩაზე თავს დაესხნენ და ფიზიკურად გაუსწორდნენ.

როგორც შეხვედრაზე ქართველიშვილმა განმარტა, ფიზიკური თავდასხმის მიზეზი გახდა „ერთიანი ნაციონალური მოძრაობის“ 5-ნომრიანი მაისური, რომელიც მას ეცვა.

სამგორის მაჟორიტარობის კანდიდატის ლევან ხაბეიშვილის განცხადებით, ძალადობრივ საარჩევნო კამპანიას ხელისუფლება აქეზებს, რადგან დაუსჯელს ტოვებს ყველა მსგავს ფაქტს. „31 ოქტომბრის შემდეგ ლევან ქართველიშვილის მიმართ და სხვა პატიოსანი მოქალაქეების მიმართ განხორციელებული ძალადობის ფაქტები დაუსჯელი არ დარჩება,“- განაცხადა ხაბეიშვილმა.

შეხვედრაზე „სამოქალაქო პლატფორმა 20/20“-ის სადამკვირვებლო პროგრამის დირექტორმა ლაშა ფარულავამ დაზარალებულს გამოკითხა მასზე განხორციელებული თავდასხმის ფაქტის დეტალები და განაცხადა, რომ „სამოქალაქო პლატფორმა 20/20“ აღნიშნული ინციდენტის შესახებ აუცილებლად აცნობებს საერთაშორისო სადამკვირვებლო ორგანიზაციებს და სამართალდამცველი ორგანოების მხრიდან ძალადობის ფაქტის გამოძების მიმდინარეობას მონიტორინგს გაუწევს.

“სამოქალაქო პლატფორმა 20/20” ცესკოს მიერ რეგისტრირებულია როგორც ადგილობრივი სადამკვირვებლო ორგანიზაცია, რომელიც 2020 წლის 31 ოქტომბრის საპარლამენტო არჩევნებს და მიმდინარე საარჩევნო პროცესს აკვირდება.

აღნიშნულ ინფორმაციას „სამოქალაქო პლატფორმა 20/20“ ავრცელებს.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ბაქოში ევროპის ჩემპიონატის თასი ჩაიტანეს