„ლელოს” გურიის მაჟორიტარი დეპუტატობის კანდიდატის, გიორგი სიორიძის განცხადებით, შემწეობის იმედად დარჩენილ მოსახლეობას ხელისუფლება პოლიტიკური მიზნებისთვის იყენებს და მათთვის გასაცემ შემწეობას მხოლოდ პოლიტიკური განწყობის მიხედვით საზღვრავს. ამის შესახებ სიორიძემ ბრიფინგზე განაცხადა.
„დღეს ჩვენ გამოვეხმაურეთ იმ კატასტროფულ ვითარებას, რომელიც არის გურიის რეგიონში. არის სრული ქაოსი და განუკითხაობა, არსებობს არასწორი რეგულაციები მიზნობრივი სოციალური დახმარების განაწილებასთან დაკავშირებით. მოსახლეობის თითქმის 20% არის დამოკიდებული სოციალურ შემწეობაზე და ამას “ქართული ოცნება” იყენებს პოლიტიკურ ინსტრუმენტად, მათი საარჩევნო მიზნების მისაღწევად,”-განაცხადა სიორიძემ.
აღნიშნულ ინფორმაციას „ლელო“ ავრცელებს.