დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, "ოქროს ბირჟის" კლასტერმა 100 ადამიანის ინფიცირება გამოიწვია.

ამასთან, ამირან გამყრელიძის თქმით, თბილისში ინფიცირების შემთხვევების ზრდას ვირუსის შიდა გავრცელებამაც შეუწყო ხელი.

"თბილისში გვქონდა "ოქროს ბირჟის" კლასტერი, რომელმაც დაახლოებით 100 ადამიანი ინფიცირება გამოიწვია და ამ 100-მა ადამიანმა ოჯახის სხვა წევრები დააინფიცირა და ასე შემდეგ. მაგრამ, იმის თქმა, რომ მხოლოდ ამ კლასტერმა მისცა ვირუსის გავრცელებას სტიმული, ასეთი რამ არ არის. ქვეყანაში ვირუსის შიდა გავრცელებაა, ამიტომ ვამბობ რომ ნაკლები შეკრებები იყოს", - განაცხადა გამყრელიძემ.