არჩევნები პოლიტიკური აქციაა, როცა რეგულირება გაცილებით უფრო ადვილია და რა თქმა უნდა, ეს პროცესი საზოგადოებისთვის საფრთხეს არ წარმოადგენს, - ასე უპასუხა “ქართული ოცნების“ ერთ-ერთმა ლიდერმა გია ვოლსკიმ კოვიდ 19-ის გავრცელების ფონზე, საპარლამენტო არჩევნების შესაძლო გადადების თაობაზე დასმულ კითხვას.

“ჩვენი ოპტიმიზმი აქედან გამომდინარეობს. საოცრება არის ის, რომ ჩვენი ოპონენტები აცხადებდნენ, რომ თითქოს შემთხვევათა რაოდენობა განგებ იბერებოდა. ახლა აცხადებენ, რომ შემთხვევები იმალება. პოლიტიკური სარგებელი ამ რთული გამოწვევისგან ვერავინ ვერ მიიღო“, - აღნიშნა გია ვოლსკიმ.

მან ისიც დასძინა, რომ როგორი რეგულაციებიც არ უნდა დაწესდეს, თუკი საზოგადოებამ არ გაითავისა ის დიდი საფრთხე, რაც ქვეყანას და ზოგადად, მსოფლიოს ემუქრება, პანდემიის გავრცელებას ვერაფერი შეაკავებს.