ჯანდაცვის მინისტრის მოადგილის, თამარ გაბუნიას განცხადებით, კორონავირუსით ინფიცირებული პირების კონტაქტების ყოველდღიური მონიტორინგისთვის დამატებითი მექანიზმის ამოქმედება იგეგმება.

როგორც მან ჟურნალისტებს განუცხადა, აღნიშნული მექანიზმი დაახლოებით ორ კვირაში ამოქმედდება.

„კონტაქტების ყოველდღიური მონიტორინგისთვის კიდევ დამატებითი მექანიზმის ამოქმედებას ვგეგმავთ იმიტომ, რომ სიმპტომების კონტროლი მეტად აქტიურად მოხდეს, მაგრამ ეს ალბათ, დაახლოებით 2 კვირაში იქნება. მანამდე, მათი გაფრთხილება მიმდინარეობს იმასთან დაკავშირებით, რომ დარჩნენ თვითიზოლაციაში და დაუკავშირდნენ 112-ს მაშინვე, თუკი შენიშნავენ სიმპტომებს“, - განაცხადა გაბუნიამ.