საზოგადოება დაიღალა სამართლიანობის მოთხოვნით. ადამიანებს დარღვეული უფლებების აღდგენის მოთხოვნის აბსოლუტურად ლეგიტიმური უფლება აქვთ,-ამის შესახებ პოლიტიკური მოძრაობა „დავით ჭიჭინაძე - ტრიბუნას“ წევრმა ლია მუხაშავრიამ განაცხადა.

მისი თქმით, „ქართული ოცნების“ ხელისუფლების განცხადებები მიუნჰაუზენის განცხადებებს ჰგავს.

„საზოგადოება მოითხოვს დაისაჯონ დამნაშავეები. დაისაჯონ სამართლიანად, კანონიერად და პროცედურების ზედმიწევნით დაცვით, იმიტომ, რომ მათგან არცერთი შემდგომში პოლიტპატიმრად არ იქცეს.

ასე, რომ ის ამბავი, თითქოს ოპოზიცია შეთანხმებულია იმ ამბებში, რომ არავინ დაისჯება, გარწმუნებთ არ არის სიმართლე. ყოველ შემთხვევაში, ჩვენ, პარტია „დავით ჭიჭინაძე- ტრიბუნა“ სწორედ ამისთვის იბრძვის.

პირადად მე, დიდი ხანია რეგიონში ვცხოვრობ და ზუსტად ვიცი, ვხედავ იმ გაჭირვებას, როგორშიც ადამიანები განსაკუთრებით რეგიონებში ცხოვრობენ. ამიტომ, როდესაც „ოცნების“ ხელისუფლების პირველი პირები ასე ამაყად გვესაუბრებიან სტაბილურობაზე და ეკონომიკურ წინსვლაზე, მათი განცხადებები მიუნჰაუზენის განცხადებებს უფრო ჰგავს, ვიდრე რეალობას.

ამიტომაც აქვთ მათ საზოგადოებასთან, თავისუფალ მედიასთან შეხვედრის შიში და მხოლოდ უზარმაზარი საარჩევნო ბილბორდებიდან გვიმზერენ მდუმარედ და გაყინული ღიმილით“,- აცხადებს ლია მუხაშავრია.

აღნიშნულ ინფორმაციას პოლიტიკური მოძრაობა „ დავით ჭიჭინაძე - ტრიბუნას“ პრესსამსახური ავრცელებს.