იაპონიის მთავრობის ოფიციალურმა წარმომადგენელმა კაცუნობუ კატომ განაცხადა, რომ ოლიმპიური თამაშების წარმატებულად ჩატარების უზრუნველყოფის მიზნით ქვეყანა კიბერშეტევის საწინააღმდეგო ზომებს განახორციელებს.
მისივე თქმით, იაპონია, აღნიშნულ საკითხთან დაკავშირებით, მჭიდრო კავშირშია შეერთებულ შტატებსა და გაერთიანებულ სამეფოსთან და მიმდინარეობს საჭირო ინფორმაციის შეგროვება და გაანალიზება.
შეგახსენებთ, გუშინ დიდმა ბრიტანეთმა და შეერთებულმა შტატებმა განაცხადეს, რომ რუსეთის სამხედრო სადაზერვო სამსახურის ორგანიზატორობით მავნე კიბერშეტევების სერია განხორციელდა, რომლის ერთ-ერთი მიზანი ტოკიოს ოლიმპიადის და პარაოლიმპიადის ჩაშლა იყო.
ტოკიოს ოლიმპიური თამაშების წელს უნდა გამართულიყო, მაგრამ კორონავირუსის პანდემიის გამო გადაიდო.