ანა დოლიძე - ცესკომ ყველაზე მეტი გადასატანი ყუთი დიდუბე-ჩუღურეთში დაამატა, მმართველ გუნდს ყველაზე მეტად ამ ოლქის ეშინია

ცესკომ ყველაზე მეტი გადასატანი ყუთი დიდუბე-ჩუღურეთის საარჩევნო ოლქში დაამატა. ეს ფაქტი ადასტურებს, რომ მმართველ გუნდს ყველაზე მეტად დამარცხების სწორედ ამ უბნებში ეშინია და, სავარაუდოდ, სწორედ აქ ემზადება არჩევნების გასაყალბებლად, - განაცხადა დიდუბე-ჩუღურეთის დამოუკიდებელი მაჟორიტარობის კანდიდატმა ანა დოლიძემ ცენტრალურ საარჩევნო კომისიასთან, სადაც კომისიის სხდომა სპეცუბნებთან და გადასატან ყუთებთან დაკავშირებით მიმდინარეობდა.

„მე დღეს აქ მოვედი, რათა კიდევ ერთხელ დავაფიქსირო, რომ ცესკო ცდილობს გადასატანი ყუთების მეშვეობით არჩევნები ხელისუფლების კანდიდატებს მოაგებინოს. ცესკოს გადაწყვეტილებით, დიდუბე-ჩუღურეთში არჩევნების დღეს ცხრა გადასატანი ყუთი იქნება, რომლის გაკონტროლება, ფაქტობრივად, შეუძლებელია. არცერთ ოლქში ამდენი გადასატანი ყუთი არ დამატებულა, რაც ცხადყოფს, რომ ხელისუფლებას და ბატონ გიორგი ვოლსკის უჭირს დიდუბე-ჩუღურეთის რაიონში, ამიტომ ისინი ნებისმიერი საშუალებით ეცდებიან ამომრჩევლის ხმების მითვისებას“, - აღნიშნა ანა დოლიძემ.

პრესსამსახურის ინფორმაციით, დიდუბე-ჩუღურეთის დამოუკიდებელმა მაჟორიტარობის კანდიდატმა ოპოზიციას მიმართა, რომ შეუერთდნენ მის პროტესტს სპეცუბნებთან და გადასატან ყუთებთან დაკავშირებით. ანა დოლიძემ იმედი გამოთქვა, რომ აღნიშნული ფაქტებით საერთაშორისო ორგანიზაციებიც დაინტერესდებიან.

ირაკლი მელაშვილი - საქართველო ადგილობრივი ორგანოების საბჭოურ სისტემაშია ჩარჩენილი, გამოდის რომ ჩვენ არა ევროპისკენ, არამედ აზიური ავტორიტარიზმისკენ მივდივართ
ქართული პრესის მიმოხილვა 05.08.2021
ბაკურ კვაშილავა - 19 აპრილის შეთანხმებიდან მმართველი გუნდის გამოსვლა არ ნიშნავს იმას, რომ იგი არ არსებობს - თუ მათ ხმების 43% ვერ მიიღეს, „ქართულ ოცნებას“ მოუწევს ვადამდელი არჩევნების დანიშვნა
"გრინ კაპიტალი" და საოპერაციო კომპანია "ფრონტერა ისტერნ ჯორჯია" აშშ-ის ელჩს და დიპლომატიურ კორპუსს მიმართავს, დავის მშვიდობიანად დასრულებისთვის საქართველოს მთავრობასთან  უშუამდგომლონ  (R)
„PSP ფარმა“ „საქსტატმა“ საუკეთესო პარტნიორად დაასახელა
Bolt Food უკვე ბათუმშია
“გრინ კაპიტალისა“ და ზაზა მამულაიშვილის მიერ გაკეთებული განცხადება მიზნად ისახავს საზოგადოების შეცდომაში შეყვანას
"ფრონტერა რისორსის ჯორჯია კორპორეიშენის" გენერალური დირექტორი განცხადებას ავრცელებს