პაკისტანის ქალაქ ფეშავარში მდებარე რელიგიურ სემინარიაში მომხდარი აფეთქების შედეგად სულ მცირე შვიდი ადამიანი დაიღუპა და ათობით დაშავდა, - ამის შესახებ ინფორმაციას Reuters-ი ავრცელებს.
სააგენტოს ცნობით, გარდაცვლილებს შორის ბავშვებიც არიან.
ადგილობრივ საავადმყოფოში აცხადებენ, რომ აფეთქების შემდეგ მათთან 70-მდე დაშავებული პაციენტი შეიყვანეს.
ადგილობრივი სამართალდამცავების თქმით, ასაფეთქებელი ნივთიერება პოლიეთილენის პარკში იყო მოთავსებული.