ბადრი ესებუას მამის, ტარიელ ესებუას განცხადებით, მისი შვილი თბილისში იმყოფება და სახლში ხვალ დაბრუნდება.

როგორც ტარიელ ესებუამ ჟურნალისტებს განუცხადა, ის შვილს ბოლოს 21 ოქტომბერს, შუადღისას ესაუბრა.

„ხვალ ველოდები, თბილისშია. ჩემი შვილი უდანაშაულოა. ხვალ ან ზეგ მოვა“, - განაცხადა ტარიელ ესებუამ.

შეგახსენებთ, შინაგან საქმეთა სამინისტროს ინფორმაციით, ზუგდიდში, „საქართველოს ბანკის“ ფილიალზე მომხდარი თავდასხმა ბადრი ესებუამ განახორციელა. გამოძიება საქართველოს სისხლის სამართლის კოდექსის 236-ე, 323-ე და 329-ე მუხლებით მიმდინარეობს, რაც ტერორისტულ აქტს, მძევლად ხელში ჩაგდებას ტერორისტული მიზნით და ცეცხლსასროლი იარაღის უკანონოდ შეძენა-შენახვა-ტარებას გულისხმობს.