ანა დოლიძე - გამიკვირდა, რომ ზუგდიდში მომხდარს დაემატა ტერორიზმის კვალიფიკაცია - გამობრძანდეს უსაფრთხოების სამსახური და მიუთითონ, რატომ არის ეს ტერორისტული აქტი

დიდუბე-ჩუღურეთის დამოუკიდებელი მაჟორიტარი დეპუტატობის კანდიდატის, ანა დოლიძის შეფასებით, ზუგდიდში „საქართველოს ბანკზე“ თავდასხმის საქმეზე გამოძიების ტერორიზმის მუხლით წარმოება გაუგებარია.

დოლიძის განმარტებით, ტერორიზმის კვალიფიკაციას აუცილებლად სჭირდება პოლიტიკური კომპონენტი, ზუგდიდის შემთხვევაში კი „პოლიტიკური მიზნების შესახებ არანაირი ინფორმაცია არ გვქონია".

„გამიკვირდა, რომ ზუგდიდის დანაშაულს დაემატა ტერორიზმის კვალიფიკაცია. საერთაშორისო მიდგომებიდან გამომდინარე, ტერორიზმის კვალიფიკაციას აუცილებლად სჭირდება პოლიტიკური კომპონენტი, ეს არის თავდასხმა პოლიტიკურ თანამდებობის პირზე, ან პოლიტიკური მოთხოვნა. პოლიტიკური მიზანი აუცილებლად უნდა ახლავდეს დანაშაულს, თუ მას ვარქმევთ ტერორისტულ აქტს. ზუგდიდის შემთხვევაში არანაირი ინფორმაციას არ გვქონია პოლიტიკური მიზეზის შესახებ, მძარცველს უნდოდა ქონების მითვისება ძალადობრივი მეთოდებით“, - აღნიშნა ანა დოლიძემ.

მისივე თქმით, შინაგან საქმეთა სამინისტრო თავს ვერ აბამს ამ საქმის გამოძიებას და არაპროფესიონალურად უმატებენ მუხლს იმისთვის, რომ ამ საქმეში უსაფრთხოების სამსახური ჩაერთოს.

„ან გამოვა უსაფრთხოების სამსახური და იტყვის, რომ როგორ ჰქონდა ამას პოლიტიკური კომპონენტი, ან გამოდის, რომ აბსოლიტურად ზედაპირულად და არაპროფესიონალურად უმატებენ მუხლს უბრალოდ იმისთვის, რომ ამ საქმეში ჩაერთოს უსაფრთხოების სამსახური. გამოდის, რომ შინაგან საქმეთა სამინისტრო თავს ვერ აბამს ამ საქმის გამოძიებას, არავითარი სიურპრიზი ეს ჩვენთვის არ იქნება და არ არის პირველი შემთხვევა, როდესაც უმარტივესი საქმეები ვერ მიჰყავს შინაგან საქმეთა სამინისტროს ბოლომდე. გამობრძანდეს უსაფრთხოების სამსახური და მიუთითონ რატომ არის ეს ტერორისტული აქტი“, - განაცხადა ანა დოლიძემ.

შეგახსენებთ, შინაგან საქმეთა სამინისტროს ინფორმაციით, ზუგდიდში, „საქართველოს ბანკის“ ფილიალზე მომხდარი თავდასხმა ბადრი ესებუამ განახორციელა. გამოძიება საქართველოს სისხლის სამართლის კოდექსის 236-ე, 323-ე და 329-ე მუხლებით მიმდინარეობს, რაც ტერორისტულ აქტს, მძევლად ხელში ჩაგდებას ტერორისტული მიზნით და ცეცხლსასროლი იარაღის უკანონოდ შეძენა-შენახვა-ტარებას გულისხმობს.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
ახალი Economy და Isolated კატეგორიები Bolt-ის აპლიკაციაში
ექსპოჯორჯია აგრო ექსპორტის ფორუმს ონლაინ, B2B ფორმატში გამართავს
„9 შავი პარასკევი“ ექსტრაზე Mastercard-ისგან
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება