დავით ბაქრაძე - ხელისუფლების ტაქტიკაა, ყველა გააერთიანოს და თქვას: იქით მხარესაა "ნაცმოძრაობა" და სააკაშვილი, რომელთაც არეულობა და სისხლი მოაქვთ, აქეთ კი ჩვენ - სტაბილურობის გარანტი

ხელისუფლების ტაქტიკაა, რომ ყველა გააერთიანოს და თქვას - იქით მხარესაა ყველა დანარჩენი და ეს ყველა დანარჩენი „ნაციონალური მოძრაობა“ და მიხეილ სააკაშვილია, აქეთ მხარეს კი ჩვენ ვართ - სტაბილურობის გარანტი, - ამის შესახებ „ევროპული საქართველოს" ერთ-ერთმა ლიდერმა, დავით ბაქრაძემ ტელეკომპანია „პალიტრანიუსის“ გადაცემა „დღის ნიუსრუმში“ განაცხადა.

მისივე თქმით, ხელისუფლებას, რომელსაც გეგმა არა აქვს, ხედვა არა აქვს, ისევ დემონიზაციაზე საუბრობს.

„მე არ მგონია, რომ ამ ქვეყანაში საღი აზრის ადამიანი არსებობდეს, რომელიც სერიოზულად იფიქრებს, რომ დათო ბაქრაძე ქვეყანაში შეიარაღებულ ამბოხს აპირებს. ესაა ხელისუფლების ტაქტიკა, რომ ყველა გააერთიანოს და თქვას - იქით მხარესაა ყველა დანარჩენი და ეს ყველა დანარჩენი „ნაციონალური მოძრაობა“ და მიხეილ სააკაშვილია, აქეთ მხარეს კი ჩვენ ვართ. იქით მხარეს - არეულობა და სისხლი მოაქვს, აქეთ მხარეს ჩვენ - სტაბილურობის გარანტი. სინამდვილეში ჩვენ „ნაციონალური მოძრაობა“ არ ვართ, და იცით, ჩვენი პოზიცია მიხეილ სააკაშვილის შესახებ. მის პრემიერობას ჩვენ მხარს არ დავუჭერთ და მეორე, ჩვენ პასუხისმგებლიანი პოლიტიკური ძალა ვართ და იმ დროს, როდესაც ხელისუფლება გამოდის და ელექტროშოკზე ლაპარაკობს, ჩვენ ამ დროს ვსაუბრობთ, რომ გადასახადებს შევამცირებთ, 100 000 სამუშაო ადგილს შევქმნით და პენსიასა და სოციალურს გავაორმაგებთ. ხელისუფლებას, რომელსაც ამაზე ლაპარაკი არ შეუძლია, გეგმა არა აქვს, ხედვა არა აქვს ისევ დემონიზაციაზე ლაპარაკობს“, - განაცხადა ბაქრაძემ.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება