ძლიერი მიწისძვრის შედეგად, რომელიც თურქეთის გარდა, საბერძნეთის კუნძულ სამოსზეც დაფიქსირდა, სკოლის ორი მოსწავლე გარდაიცვალა. ისინი კედლის ჩამონგრევის შედეგად დაიღუპნენ. ამის შესახებ ადგილობრივი მედია იუწყება.

მოზარდების ცხედრები მიმდინარე სამძებრო-სამაშველო სამუშაოების დროს, ნანგრევებში იპოვეს, რომელიც კუნძულზე ამ დრომდე გრძელდება.

სხვა ინფორმაცია დაღუპულთა შესახებ ამ დროისთვის არ ვრცელდება. დაშავებულთა რაოდენობა არ შეცვლილა. ბოლო ინფორმაციით, მათი რაოდენობა კვლავაც რვას შეადგენს.