თავისუფლების მოედანზე მყოფ აქციის მონაწილეებს უცნობმა პირებმა ფეკალური მასა ესროლეს.

როგორც “ეროვნული ფორუმის” წევრმა როინ დიდებაშვილმა განაცხადა, საკნების წინ სკამზე ისხდნენ, კოლმეურნეობის მოედნიდან მაღალი სიჩქარით ამოვარდა შავი “ბე-ემ-ვე”, საიდანაც გადმოვიდა ორი პირი; და აქციის მონაწილეებს ფეკალური მასებით სავსე პარკები ესროლეს.

“ჩვენ მოვახერხეთ სკამიდან ადგომა და გაწევა, თუმცა მაინც მოგვესხა ფეკალური მასები”, - აღნიშნა დიდებაშვილმა.

აქციის მონაწილეთა თქმით, თავისუფლების მოედნამდე მანქანები თავისუფლად ამოდიან, აღნიშნული ავტომანქანის გამოჩენამდე კი კოლმეურნეობის მოედანი გარკვეულმა პირებმა გადაკეტეს, რათა “ბე-ემ-ვე”-ს მოძრაობაში ხელი არ შეშლოდა.

;