აზერ სულეიმანოვის განცხადებით, "ნაციონალური მოძრაობა" მარნეულში 30-მდე საარჩევნო უბანში იმარჯვებს
მარნეულში, "ერთიანი ნაციონალური მოძრაობის" ოფისში გარკვეული უბნებიდან მათი დამკვირვებლების მიერ მიწოდებულ ინფორმაციას ოვაციებით შეხვდნენ.
როგორც პარტიის მაჟორიტარობის კანდიდატმა აზერ სულეიმანოვმა ჟურნალისტებთან საუბარში განაცხადა,"ნაციონალური მოძრაობა" დაახლოებით, 30-მდე უბანში იგებს.
"რამდენიმე უბნიდან პასუხი მოვიდა ჩვენი გამარჯვების შესახებ. დაახლოებით, 20-30 უბნიდან მოვიდა ჩვენი გამარჯვების შესახებ ინფორმაცია. თუმცა, დაველოდოთ ცესკოსგან ზუსტ პასუხს, ჩვენი წარმომადგენლები იქაც არიან",- განაცხადა სულეიმანოვმა.
