FBI პრეზიდენტობის „დემოკრატი“ კანდიდატის, ჯო ბაიდენის, საარჩევნო შტაბის წევრებსა და მოქმედი პრეზიდენტის, დონალდ ტრამპის, მხარდამჭერებს შორის ტეხასში მომხდარი ინციდენტის გამოძიება დაიწყო. საქმე ეხება ინციდენტს, რომელიც ორი დღის წინ მოხდა, როდესაც ავტობუსს, რომელშიც ჯო ბაიდენის საარჩევნო შტაბის წევრები ისხდნენ, ტეხასის ავტომაგისტრალზე დონალდ ტრამპის მხარდამჭერებმა რამდენიმე ათეული ავტომობილით გზა გადაუღობეს. ინციდენტის ამსახველი ვიდეო „ტვიტერის“ საკუთარ გვერდზე პრეზიდენტმა დონალდ ტრამპმაც გამოაქვეყნა წარწერით : „მე მიყვარს ტეხასი.“
პრეზიდენტის მტკიცებით, მისმა მხარდამჭერებმა ჯო ბაიდენის საარჩვენო შტაბის ავტობუსი დაიცვეს. „დემოკრატები“ კი აცხადებენ, რომ პრეზიდენტი საკუთარი მხარდამჭერების მიერ დაშინების ფაქტების განხორციელების წახალისებას ახდენს.