არაღიარებული მთიანი ყარაბაღის ინფორმაციით, აზერბაიჯანის შეიარაღებულ ძალებთან ბრძოლაში კიდევ 11 სამხედრო დაიღუპა.

ე.წ. თავდაცვის სამინისტროს ცნობით, 27 სექტემბრიდან დღემდე კონფლიქტის შედეგად დაღუპული ჯარისკაცების რაოდენობა 1 177-მდე გაიზარდა.

შეგახსენებთ, სომხეთსა და აზერბაიჯანს შორის ვითარება 27 სექტემბერს დაიძაბა, რის შემდეგაც მთიან ყარაბაღში ცეცხლი არ წყდება. კონფლიქტს, ორივე მხრიდან, ასობით ადამიანის, მათ შორის მშვიდობიანი მოქალაქეების, სიცოცხლე ემსხვერპლა.