ავსტრიის დედაქალაქ ვენაში, სინაგოგასთან მომხდარი სროლის დროს რამდენიმე ადამიანი დაშავდა. ინფორმაციას მედია პოლიციაზე დაყრდნობით ავრცელებს.
ადგილობრივი მედიის ინფორმაციით, დაჭრილებს შორისაა პოლიციის ოფიცერი.
პოლიცია მოსახლეობას მოუწოდებს, მიმდებარე ქუჩებზე გადაადგილებისგან თავი შეიკავოს.
BBC-ის ინფორმაციით, შინაგან საქმეთა მინისტრმა მომხდარი შეაფასა როგორც "ტერაქტი" და განაცხადა, რომ ერთი თავდამსხმელი გარდაიცვალა, ერთი კი გაიქცა.
ვენის ცენტრში პოლიციის დიდი რაოდენობაა მობილიზებული, ტერიტორიაზე მასშტაბური ოპერაცია მიმდინარეობს.