სერგი კაპანაძე - საოლქო კომისიების წევრები პოლიტიკურ საფლავში ნურც ჟვანიას და ნურც „ქართულ ოცნებას“ ნუ ჩაყვებიან

„ევროპული საქართველოს“ საარჩევნო შტაბის ხელმძღვანელის, სერგი კაპანაძის განცხადებით, „ქართულ ოცნებაში“ მიიღეს გადაწყვეტილება, რომ საოლქო კომისიებმა უბნები თავიდან აღარ გადათვალონ, რადგან ამით უბნებზე იცვლება ხმათა რაოდენობები. ამის შესახებ „ინტერპრესნიუსს“ „ევროპული საქართველოდან“ აცნობეს.

„ჩვენ გუშინ ვნახეთ ძალიან შემაშფოთებელი ფაქტი, როდესაც სამგორის 97-ე უბნის გახსნის და ბიულეტენების გადათვლის შედეგად, ბიულეტენები, სადაც ოპოზიციური ხმები იყო აღრიცხული, აღმოჩნდა გამოუყენებელი ხმების დასტაში. ეს არის უპრეცენდენტო დარღვევა, რადგან გამოუყენებელი ბიულეტენების დასტა ილუქება მანამ, სანამ საერთოდ მოხდება ყუთის გახსნა. ანუ, როგორც ჩანს იმ უბანზე იყო სრული ვაკხანალია და ეს არის სრული საფუძველი იმის, რომ ის უბანი გაუქმდეს. როდესაც საოლქომ გადაითვალა, კი არ გააუქმა უბანი, არამედ ახალი ოქმი დაწერა და თავიდან შეასწორა ძველი ოქმი.

როგორც ჩანს, იმდენად შეეშინდათ ამ გადათვლების „ქართულ ოცნებაში“, რომ დღეს მიიღეს გადაწყვეტილება, არცერთი სახვა უბანი თავიდან აღარ გადათვალონ, რადგან იციან, რომ ამ უბნებშიც იგივე ტიპის პრობლემებია“, - განაცხადა კაპანაძემ.

მისი თქმით, ამიტომ, მიიღეს გადაწყვეტილება და უკვე დაავალეს სხვადასხვა საოლქოებს, რომ აღარ გახსნან და აღარ გადათვალონ უბნები.

„მინდა მივმართო როგორც საოლქო კომისიებს, ისე მათ წევრებს და თავჯდომარეებს, რომ ამ გადაწყვეტილებას არ დაემორჩილონ და ნუ ჩაყვებიან პოლიტიკურ საფლავში ნურც ჟვანიას და ნურც „ქართულ ოცნებას“. ეს ნიშნავს იმას, რომ მათ წერტილი დაუსვეს ნებისმიერი შანსს იმისა, რომ ასეთი უბნები, რომლებიც აშკარაა, რომ არის გაყალბებული, გაუქმდეს.

ამიტომ, მე ყველას მოვუწოდებ, რომ ეს გადაწყვეტილება არ შეასრულონ, წინააღმდეგ შემთხვევაში აღმოჩნდება, რომ მათ კიდევ ერთი წერტილი დაუსვეს ამ უკვე გაყალბებული არჩევნების რაიმე სახით გამოსწორების შანსსაც კი“, - განაცხადა კაპანაძემ.

ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
ქართული პრესის მიმოხილვა 18.06.2021
ხათუნა ბურკაძე - შეცვლილ საერთაშორისო გარემოში საქართველოს ალიანსში წევრობისათვის აუცილებელია ქვეყნის ახალი ფუნქციის გამოკვეთა
შვეიცარული პრემიუმ ბრენდი HORMETA უკვე ხელმისაწვდომია საქართველოში, ექსკლუზიურად PSP-ში
ვაშლის და საზამთრო-ნესვის არომატი – "სნო" ზაფხულს წყლის ახალი არომატებით იწყებს (R)
მოგზაურობა ძველ თბილისში და კულინარიული სამოთხე გურმანებისთვის - თბილისში უნიკალური სივრცე „ბაზარი“ გაიხსნა
ბინა განვადებით ლარში - „თეთრი კვადრატის“ ექსკლუზიური შეთავაზება უძრავი ქონების ბაზარზე
„ბრითიშ ამერიკან ტობაკო“ - კომპანია მსოფლიოს მასშტაბით აქტიურად არის ჩართული არალეგალური თამბაქოს პროდუქტებთან ბრძოლაში და თანამშრომლობს მრავალი ქვეყნის შესაბამის სტრუქტურებთან
კომპანია "ოთი ისთეითს" ინდონეზიის საელჩოს რწმუნებული ეწვია
"ფილიპ მორის საქართველო" თამბაქოს არალეგალურ ვაჭრობასთან დაკავშირებით პარლამენტში გამართულ დისკუსიას ეხმაურება
საქართველოს უნივერსიტეტის საჩუქარი 2021 წელს ჩარიცხული სტუდენტებისთვის