"ნაციონალური მოძრაობის" ერთ-ერთი წევრის ხატია დეკანოიძის განცხადებით, პირი, რომელმაც მათ წარმომადგენელს ფიზიკური შეურაცხყოფა მიაყენა მამუკა ნაცვალაძეა.
როგორც მან კომისიის შენობასთან მომდინარე აქციაზე განაცხადა, მამუკა ნაცვალაძე ისნის მე-5 საოლქო საარჩევნო კომისიის თავმჯდომარის მძღოლია.
დეკანოიძის ინფორმაციით, აღნიშნულ პირთან მიმართებით დამკვირვებლებმა მას უთხრეს, რომ ნაცვალაძე არაფხიზელ მდგომარეობაშია.
აქციის მონაწილეები ამ პირის დაკავებას ითხოვენ.
"მამუკა ნაცვალაძე, რომელიც არის ზონდერი ინფორმაცია გვაქვს, რომ შენობიდან დაცვის პოლიციის ფორმით უნდა გამოიყვანონ. მან იძალადა ჩვენს წარმომადგენელზე. გონს მოეგეთ ყველა ის ადამიანი, ვინც ზონდერებს და გამყალბებლებს იცავთ", - განაცხადა დეკანოიძემ.