ერთადერთი ქმედითი უნარი, რასაც „ქართული ოცნება“ აფასებს და ჩვენ ეს ნანახი გვაქვს, ეს არის ხალხის სიმრავლე რუსთაველის მოედანზე, - ამის შესახებ პოლიტიკური მოძრაობა „ტრიბუნას“ ლიდერმა, დავით ჭიჭინაძემ დღეს დაგეგმილ აქციაზე საუბრისას განაცხადა.

მისივე შეფასებით, არცერთი ამომრჩეველი ამ არჩევნებით კმაყოფილი არ დარჩენილა.

„დღევანდელი აქცია არის საკუთარი ხმების დაცვის აქცია. ხალხი უნდა მოვიდეს და საკუთარი არჩევანი დაიცვას. 31 ოქტომბერს მოხდა მასიური გაყალბება. როდესაც მთელი პოლიტიკური სპექტრი ერთიანია და ყველას გააჩნია პრეტენზია, ეს ნიშნავს იმას, რომ არცერთი ამომრჩეველი ამ არჩევნებით კმაყოფილი არ დარჩენილა. უნდა ვისწავლოთ პროტესტი და არჩევნების დაცვა, რომელიც არის ერთადერი დემოკრატიული მექანიზმი ხელისუფლების შეცვლის. ერთადერთი ქმედითი უნარი, რასაც ,,ქართული ოცნება” აფასებს და ჩვენ ეს ნანახი გვაქვს, ეს არის ხალხის სიმრავლე რუსთაველის მოედანზე და მათი ხმა, მხოლოდ ეს ხმა ესმის „ქართულ ოცნებას” და გადაწყვეტილებებს ცვლის ამ ხმით”, - განაცხადა დავით ჭიჭინაძემ.