ჰეიკო მაასი - ჯო ბაიდენის პრეზიდენტობის დროს ყველაფერი არ შეიცვლება, მაგრამ ბევრი რამ გაუმჯობესდება

გერმანიის საგარეო საქმეთა მინისტრი ჰეიკო მაასი აცხადებს, რომ ჯო ბაიდენის პრეზიდენტობის დროს ყველაფერი არ შეიცვლება, მაგრამ ბევრი რამ გაუმჯობესდება, - ამის შესახებ ინფორმაციას Reuters-ი გერმანულ მედიაზე დაყრდნობით ავრცელებს.

აშშ-ის პრეზიდენტი დონალდ ტრამპი ხშირად აცხადებს, რომ გერმანიამ ვერ მიაღწია, თავდაცვის ხარჯები მთლიანი შიდა პროდუქტის 2%-მდე გაეზარდა, რასაც ნატო-ს სტანდარტი ითვალისწინებს. მაასმა აღნიშნა, რომ მისი აზრით ამ საკითხზე ჯო ბაიდენის ადმინისტრაცია დონალდ ტრამპის მსგავსად არ გაამახვილებს ყურადღებას.

გერმანიის საგარეო საქმეთა მინისტრმა განმარტა, რომ კამათი თავდაცვის ხარჯებთან დაკავშირებით ბაიდენის დროსაც არ დასრულდება, მაგრამ სხვა სტილით წარიმართება.

შეგახსენებთ, მიმდინარე წლის ივლისში აშშ-ის პრეზიდენტმა დონალდ ტრამპმა განაცხადა, რომ ის გერმანიიდან 12 000 ამერიკელი ჯარისკაცის გაყვანას აპირებს, რაც ქვეყანაში განლაგებული ამერიკული კონტიგენტის თითქმის მესამედია. ტრამპის განმარტებით, ამ გადაწყვეტილების მიზეზი ისაა, რომ გერმანიის თავდაცვის ხარჯები მთლიანი შიდა პროდუქტის 2%-ს არ შეადგენს, რაც ნატო-ს სტანდარტებითაა გათვალისწინებული.

იხილეთ ვიდეო: ჯო ბაიდენის პრეზიდენტობის დროს ყველაფერი არ შეიცვლება, მაგრამ ბევრი რამ გაუმჯობესდება - ჰეიკო მაასი

ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
ქართული პრესის მიმოხილვა 24.01.2022
რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა