დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორი ბესარიონ სიმონიშვილი გერმანიის საერთაშორისო თანამშრომლობის საზოგადოების პროგრამის დირექტორს ფრედერიკე როჩოვანსკის შეხვდა.

როგორც „ინტერპრესნიუსს“ ჯანდაცვის სამინისტროდან აცნობეს, გერმანულმა მხარემ დევნილთა სააგენტოს ავტომანქანა და სადეზინფექციო სამუშაოებისთვის საჭირო მოწყობილობა გადასცა. მათივე ინფორმაციით, დევნილთა სააგენტოს დირექტორმა ბესარიონ სიმონიშვილმა გერმანიის საერთაშორისო თანამშრომლობის საზოგადოებას, წლების განმავლობაში, იძულებით გადაადგილებული პირებისთვის გაწეული დახმარებისა და მჭიდრო თანამშრომლობისთვის განსაკუთრებული მადლობა გადაუხადა.