მეტეხის ხიდთან 100 000 მოწამის ხსენების დღესთან დაკავშირებით პარაკლისი მიმდინარეობს
მეტეხის ხიდთან 100 000 მოწამის ხსენების დღე აღინიშნება. წამებულთა სულის მოსახსენიებელ პარაკლისს გორისა და ატენის მიტროპოლიტი ანდრია გვაზავა მღვდელმსახურებთან ერთად აღავლენს.
აღსანიშნავია, რომ წამებულთა ხსენების დღეს ტრადიციულად ეწყობა ხალხმრავალი მსვლელობა, რომელიც მეტეხის ხიდზე სრულდება პარაკლისით, სხვადასხვა საზეიმო ღონისძიებითა და წყალზე ყვავილების მოფენით. თუმცა, კორონავირუსის ეპიდემიის გავრცელების გამო, წელს მრევლის მსვლელობა აღარ გაიმართა. ტარდება მხოლოდ მცირე პარაკლისი.
ამის შემდეგ კი სასულიერო პირები მრევლთან ერთად ყვავილების გვირგვინს ანთებული სანთლებით მტკვარში ჩაასვენებენ, რაც ქრისტესთვის წამებული წინაპრებისადმი მადლიერებას გამოხატავს.
