დავით ბერძენიშვილი - სააკაშვილის გარეშე ვერ ვერევით ივანიშვილს, მარტო სააკაშვილი ვერ ერევა ივანიშვილს

ვამბობ და ბევრჯერ მითქვამს, სააკაშვილის გარეშე ვერ ვერევით ივანიშვილს, მარტო სააკაშვილი ვერ ერევა ივანიშვილს, - ამის შესახებ „რესპუბლიკური პარტიის“ ერთ-ერთმა ლიდერმა დავით ბერძენიშვილმა „პალიტრანიუსის“ გადაცემა „360 გრადუსში“ განაცხადა.

მისი თქმით, აღნიშნული ამ არჩევნებმა დაადასტურა.

„სააკაშვილი ჩამოვა თუ არ ჩამოვა, ამაზეა დამოკიდებული ქართული ოპოზიციის აზრი? 120/30-ს მივაღწიეთ? - ხომ მივაღწიეთ? 150-ს ვერ მივაღწიეთ, მაგრამ 77/73-ს ხომ ვაჯობეთ? როგორც გადავარჩინეთ საარჩევნო სისტემა თითქმის, ჩემი ხედვით, ასე თითქმის უნდა ვეცადოთ, გადავარჩინოთ არჩევნები. უცხოელების მეშვეობით თუ მოხერხდება შეთანხმება, ეს იქნება არსებითი საკითხი. თუ მოხერხდება გადათვლა, ასევე, თუ მოხერხდება იმ უბნების გაბათილება, რომლებიც ძალიან მნიშვნელოვანია“, - განაცხადა ბერძენიშვილმა.

ბერძენიშვილი ასევე ტყუილს უწოდებს „ქართული ოცნების“ გენერალური მდივნის, თბილისის მერის, კახა კალაძის განცხადებას იმის შესახებ, რომ ოპოზიციამ ხმების გადათვლაზე უარი განაცხადა.

კახი კალაძემ უამრავჯერ თქვა ერთი და გააკეთა - მეორე. კახი კალაძემ ჩარაზა ბევრჯერ კარები 77/73-ზე, თქვენ არ იცით, რომ მოიტყუა? მერე ხომ გახსნეს? მერე თქვეს 100/50-ზეო, გახსოვთ? მერე თქვეს 110/40-ზე, ხომ გახსოვთ? ასე, რომ კახი კალაძის განცხადებები, რბილად რომ ვთქვათ, ერთგვარად გადაჭარბებული იყო მრავალგზის, რომ უკან არ დაიხევდნენ“,- განაცხადა ბერძენიშვილმა.

იხილეთ ვიდეო

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 30.11.2020
დავით მირცხულავა - ბეტონის გრავიტაციული კაშხლის სეისმური ზემოქმედების გამო დანგრევის პრეცედენტი მსოფლიოში არ ყოფილა, კვლევებიდან გამომდინარე, „ნამახვანი“ მაღალსაიმედოა
ვის ჩაუტარდება კლინიკა „ნიუმედში“ Covid 19-ის სწრაფი ტესტირება, მათ შორის ანტიგენზე დაფუძნებული ტესტით და D-დიმერის კვლევა უფასოდ? - ინტერვიუ კლინიკის დირექტორ ნათია ბულაცაშვილთან
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა
ირმა ინაშვილი - ჩვენ დამოუკიდებლად ვმოქმედებთ და ვაკეთებთ იმას, რასაც სინდისი გვკარნახობს! (R)