კომპანია „ენკა რინიუებლზი“ ნამახვანის ჰესების კასკადის პროექტის თაობაზე განცხადებას ავრცელებს

ნამახვანის ჰესების კასკადის პროექტის განმახორციელებელი კომპანია ENKA Renewables (შპს „ენკა რინიუებლზ“) საგანგებო განცხადებას ავრცელებს, რომელსაც „ინტერპრესნიუსი“ უცვლელად გთავაზობთ:

«გვსურს, გამოვეხმაუროთ ცალკეული მედიასაშუალებების მიერ გაჟღერებულ ინფორმაციას ნამახვანის ჰესების კასკადის პროექტის ნებართვასთან დაკავშირებით და სრული პასუხისმგებლობით განვაცხადოთ, რომ ქვედა ნამახვან ჰესზე მიმდინარე მოსამზადებელი სამუშაოები მოქმედი კანონმდებლობის ფარგლებში, არსებული ნებართვის საფუძველზე ხორციელდება.

ქვედა ნამახვანი ჰესის პროექტის ფარგლებში კომპანია ENKA Renewables 2020 წლის მაისიდან წყალტუბოს მუნიციპალიტეტის რამდენიმე სოფელში მოსამზადებელ სამუშოებს ახორციელებს. ეს პროცესი ხორციელდება 2020 წლის 22 აპრილს გაცემული ნებართვის საფუძველზე, ნებართვით განსაზღვრულ ფარგლებში (სსიპ ტექნიკური და სამშენებლო ზედამხედველობის სააგენტო, ნებართვა №60-04) და მიწის იმ ნაკვეთებზე, რომლებიც კომპანიის საკუთრებაში ან მფლობელობაშია.

ხსენებული ნებართვის თანახმად, კომპანიას ნება დაერთო, ეწარმოებინა მოსამზადებელი რიგის და მიწის სამუშაოები. ამავდროულად, განისაზღვრა, რომ 2022 წლის მარტამდე მას უნდა წარედგინა მიწის საჭირო ნაკვეთებზე უფლების დამადასტურებელი დოკუმენტები, ხოლო 2021 წლის აპრილამდე - დეტალური პროექტი საექსპერტო დასკვნებით.

უნდა აღინიშნოს, რომ ნებართვით დასაშვებია დეტალური პროექტის ეტაპობრივად წარდგენა, თითოეული სტრუქტურის მიხედვით. ამ ეტაპზე წარდგენილი და შეთანხმებულია სადერივაციო გვირაბის დეტალური პროექტი, შესაბამისი საექსპერტო დასკვნებით.

ტექნიკური და სამშენებლო ზედამხედველობის სააგენტოს მიერ გაცემული ოფიციალური წერილის თანახმად, «სააგენტოს თავმჯდომარის Nმ - 429 ბრძანების საფუძველზე შემოწმდა ქვედა ნამახვანი ჰესის პროექტის მიზნებისათვის მიმდინარე სამუშაოები და დაგინდა, რომ მიმდინარეობს მოსამზადებელი რიგის სამუშაოები, რომელთა განხორციელებაც შესაძლებელია გაცემული ნებართვის ფარგლებში.

პროექტისადმი საზოგადოების მაღალი ინტერესიდან გამომდინარე, კომპანია მოუწოდებს ნამახვანი ჰესების კასკადის პროექტით დაინტერესებულ ყველა მედიასაშუალებას, თემის გაშუქებისას გაითვალისწინოს საპროექტო კომპანია, როგორც მხარე და კითხვების არსებობის შემთხვევაში დაუყოვნებლივ მიმართოს მის პრეს-ცენტრს“, - ნათქვამია კომპანიის განცხადებაში.

კომპანიის ინფორმაციით, ნამახვანის ჰესების კასკადის პროექტი 800 მილიონ აშშ დოლარამდე მოცულობის პირდაპირი უცხოური ინვესტიციით ხორციელდება. მისი ძირითადი ინვესტორი და 90%-იანი წილის მფლობელი 63-წლიანი ისტორიის მქონე კორპორაცია ENKA-ა (ENKA İnşaat ve Sanayi A.Ş.). იგი ძირითადად ინჟინერიის, მშენებლობისა და ენერგეტიკის დარგებში ოპერირებს და ამჟამად მსოფლიოს 64 ქვეყანაში 20,000-ზე მეტ ადამიანს ასაქმებს.

ნამახვანის ჰესების 430-მეგავატიანი კასკადის წლიური გამომუშავება 1,500 გგვთ.სთ-ს მიაღწევს, რაც 2019 წელს საქართველოს მთლიანი მოხმარების 11.7%-ის ტოლია.

ვანო მაჭავარიანი - თუ ხელისუფლება და ოპოზიცია კოალიციური მმართველობის რაღაც ფორმაზე არ შეთანხმდნენ, ეს საქართველოსთვის უკეთესი პერსპექტივის ხელიდან გაშვებული შესაძლებლობა იქნება
ქართული პრესის მიმოხილვა 04.12.2020
„ალეკო ელისაშვილი - მოქალაქეების“ ერთ-ერთი ლიდერი ქეთი თურაზაშვილი - დღევანდელი დისტანციური სწავლება თავის მოტყუებაა
როგორ გავუშვათ ბიუჯეტური ონლაინრეკლამა მარტივად მაღალრეიტინგულ ვებგვერდებზე - ინტერვიუ Adword.ge-ს წარმომადგენელთან
თანამედროვე, მარტივი და უსაფრთხო ახალი ინტერნეტბანკინგი "პროკრედიტ ბანკის" მომხმარებლებისთვის
„ჰიუნდაის“ ელექტრომობილი 10 000-ლარიანი ფასდაკლებით, დამტენითა და 1-წლიანი დაზღვევით - შეთავაზება, რომელიც არ უნდა გამოგრჩეთ
ლიბერთი ბანკი სამომხმარებლო და ბიზნეს სესხებზე აქციას იწყებს
ევროკრედიტში საჩუქრების დროა  აირჩიე ის, რაც გაგიხარდება
"სილქნეტმა" ვირტუალური ოპერატორების სავალდებულო დაშვებასა და ამასთან დაკავშირებულ შესაძლო რისკებთან დაკავშირებით საფუძვლიანი კვლევები ჩაატარა