დავით ბაქრაძე - გამოსავალი არის მხოლოდ ერთი - ვადამდელი არჩევნების გაზაფხულზე ჩატარება

„ევროპული საქართველოს" ლიდერის, დავით ბაქრაძის განცხადებით, ჯერჯერობით ხელისუფლებასთან დიალოგში სიახლე არ არის. როგორც მან ჟურნალისტებს განუცხადა, მოლაპარაკებათა მაგიდაზე არის ერთი მთავარი საკითხი -რიგგარეშე არჩევნების გაზაფხულზე ჩატარება.

დავით ბაქრაძის თქმით, გაყალბებულმა არჩევნებმა საქართველო პოლიტიკურ კრიზისში შეიყვანა.

„ჯერჯერობით დიალოგში სიახლე არ არის. აშშ-ის სახელწიფო მდივნის ვიზიტის დღეებში სიახლე ვერც იქნებოდა, იმიტომ, რომ ახლა საელჩოც და ელჩიც ყველა გადართულია ვიზიტზე. რაც შეეხება საკითხებს, მოლაპარაკებათა მაგიდაზე არის ერთი მთავარი საკითხი, ეს გახლავთ რიგგარეშე არჩევნების გაზაფხულზე ჩატარება. მიგვაჩნია, რომ იმ პოლიტიკური კრიზისიდან, რომელშიც ხელისუფლებამ ქვეყანა შეიყვანა, გამოსავალი, რომელსაც ყველა ქვეყანა იყენებს პოლიტიკური კრიზისების დროს, სწორედ ახალი, ვადამდელი არჩევნების ჩატარებაა. ეს არის მექანიზმი, რომელმაც უნდა უზრუნველყოს ქვეყანაში ხალხის მიერ ნდობით აღჭურვილი ხელისუფლების მოსვლა. ვიმეორებ, ეს არ არის ის, რასაც ჩვენ ვიგონებთ. ვადამდელი არჩევნები ყველა დემოკრატიაში არის სწორედ ის მექანიზმი, რომლითაც პოლიტიკური კრიზისები განიმუხტება.

გაყალბებულმა არჩევნებმა საქართველო პოლიტიკურ კრიზისში შეიყვანა, ჩვენ არ გვინდა, რომ ეს კრიზისი გაგრძელდეს, ჩვენ არ გვინდა არასტაბილურობა და დაპირისპირება, მაგრამ ყველას კარგად უნდა გვესმოდეს, რომ ქვეყანას 4 წელი ვერ მართავს ხელისუფლება, რომელსაც მოსახლობის მინიმუმ ნახევარი არ ენდობა და ფიქრობს, რომ მანდატი გაყალებული აქვს. ამიტომ, გამოსავალი არის მხოლოდ ერთი - ვადამდელი არჩევნების ჩატარება. ვიმედოვნებ, „ქართული ოცნება“ გაიაზრებს იმ პასუხისმგებლობას და ძალიან დიდ ტვირთს, რომელიც მას აქვს აღებული ამ ქვეყნის წინაშე. გამოსავალი სწორედ ვადამდელი არჩევნებია“,-განაცხადა ბაქრაძემ.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
თბილისში დავით წინასწარმეტყველის ბიუსტი გაიხსნა
„კარფურისა“ და Mastercard-ის შეთავაზება გრძელდება - „კარფურის“ მიტანის სერვისის ახალი აპლიკაცია შოპინგს კიდევ უფრო მოსახერხებელს ხდის
„სილქფესტი“ ულიმიტო სასაუბრო პაკეტებს ინტერნეტის სასურველ პირობასთან ერთად გვთავაზობს!
IONIQ 5-ისა და TUCSON-ის ჰოლივუდური დებიუტი ახალ სპაიდერმენში