მამუკა ხაზარაძე - "ქართულმა ოცნებამ" მოიპარა არჩევნები და ის დაფინანსება, რომელიც ოპოზიციას ეკუთვნოდა

"ქართულმა ოცნებამ" მოიპარა არჩევნები და ის დაფინანსება, რომელიც ოპოზიციას ეკუთვნოდა, - ამის შესახებ “ლელოს” თავმჯდომარემ მამუკა ხაზარაძემ პარტიების დაფინანსებაზე საუბრისას განაცხადა.

მისივე განმარტებით, პარტიების დაფინანსების კუთხით ქვეყანაში აუცილებლად უნდა შეიცვალოს კანონმდებლობა, რადგან ის, რაც არის დღეს, არ შეესაბამება დემოკრატიული სახელმწიფოს სტრუქტურას.

"ოცნებამ”, რომელმაც მოიპარა ხმები, მიიღო უფრო მეტი დაფინანსება ბიუჯეტიდან. თუკი ყველა დანარჩენი პარტია, რომელიც იბრძვის, რომ გაყალბებულ არჩევნებს და მიტაცებულ ხმებს რაღაც მოუხერხოს, უარს იტყვის დაფინანსებაზე, მას მიისაკუთრებს "ქართული ოცნება". დღეს “ოცნებამ” მიისაკუთრა არა მხოლოდ ხმები, არამედ სხვა პარტიებისგან მოპარული ხმების დაფინანსებაც. რეალობა არის ეს. ჩვენ უარს ვამბობთ საპარლამენტო დაფინანსებაზე და არა პარტიულ დაფინანსებაზე. რომ წარმოვიდგინოთ, რომ ჩვენ ყველამ უარი ვთქვათ პარტიულ დაფინანსებაზე, ეს ნიშნავს, რომ მხოლოდ ერთი პარტია დარჩება ამ ქვეყანაში. აქ არაფერი გაურკვევლობა არ არის, რადგან ეს კანონმდებლობითაა გათვალისწინებული. რაზეც პარტიები თანხმობას აცხადებენ, ნიშნავს, რომ მინიმალური დაფინანსება მაინც მიიღონ მოპარული ხმებიდან. ეს საჭიროა იმისთვის, რომ საქართველოში პოლიტიკურმა პარტიებმა მშენებლობა განაგრძონ", - აცხადებს ხაზარაძე.

გარდა ამისა, მამუკა ხაზარაძის განცხადებით, "ლელო" არის და უნდა იყოს სახალხო პარტია.

“რა თქმა უნდა, ძალიან ბევრ ადამიანს აქამდეც შემოუწირავს თავისი დანაზოგი, იმიტომ, რომ "ლელო" არის სახალხო პარტია და არის ხალხის ხმა. ამ პროცესს ჩვენ გავაგრძელებთ, რადგან ხალხს სჯერა, რომ ეს არის ძალა, რომელიც ქვეყნის განვითარებაში მნიშვნელოვან წვლილს შეიტანს", - აღნიშნა ხაზარაძემ.

ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
ქართული პრესის მიმოხილვა 27.01.2022
ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა