ნათია თურნავა - სურათი, როცა ფასდაკლებების გამო აჟიოტაჟი შეიქმნა, გვაფიქრებინებს, რომ მოლებიც დიდი გამოწვევის წინაშე დგანან

მოლების წარმომადგენლებმა უნდა დაგვარწმუნონ, რომ შეუძლიათ აჟიოტაჟური მოთხოვნის მართვა, რაც ფასდაკლების ელემენტარულმა აქციამ შეიძლება გამოიწვიოს - ჩვენ ამ თვალსაზრისით საფრთხის შემცველი ვითარება ვიხილეთ, - ამის შესახებ ეკონომიკის მინისტრმა ნათია თურნავამ მთავრობის ადმინისტრაციაში გამართულ ბრიფინგზე განაცხადა.

თურნავამ აღნიშნა, რომ შეზღუდვების დაწესებამდე მთავრობას აქტიური კომუნიკაცია ჰქონდა ყველა იმ დარგის წარმომადგენლთან, ვისაც შეზღუდვები შეეხო. მინისტრის თქმით, მთავრობა ბიზნესის მოთხოვნებს მაქსიმალურად ითვალისწინებს.

“მიღებულია გააზრებული და ოპტიმალური გადაწყვეტილება. მოლების წარმომადგენლებმა ეპიდემიოლოგების არგუმენტები მოისმინეს და ჩვენ მათი პრობლემები გავითვალისწინეთ. ზოგადად, ეს მათი პრობლემა არ არის, ეს არის ეკონომიკის პრობლემა. ჩვენ მათ საშუალებას ვაძლევთ, რომ წინასაახალწლო პერიოდში, 24 დეკემბრიდან ივაჭრონ. ჩვენ უნდა დავინახოთ, რომ ისინი ახერხებენ პროცესის მართვას, როგორც უშუალოდ მოლის ტერიტორიაზე, ასევე გარეთა პერიმეტრზე, რიგების მართვის თვალსაზრისით. სურათი რაც ჩვენ შეზღუდვებამდე ერთი დღით ადრე ვიხილეთ, როცა ფასდაკლებების გამო აჟიოტაჟი შეიქმნა, გვაფიქრებინებს, რომ მოლებიც დიდი გამოწვევის წინაშე დგანან. მათ უკეთ უნდა მოიფიქრონ, თუ როგორ მართონ აჟიოტაჟური მოთხოვნა, რომელიც შეიძლება ფასდაკლების აქციამ გამოიწვიოს. ეს 24 დეკემბრის შემდეგაც აქტუალური იქნება. უნდა დაგვარწმუნონ, რომ ამ პროცესის მართვა შეუძლიათ. ყოვლად მიუღებელი სურათი იყო, რომელიც ეპიდემიოლოგიურად საფრთხეს შეიცავს. ამ ვითარებამ კიდევ ერთხელ გააკეთა იმის დემონსტრირება, თუ რატომ მიიჩნევა მთელს მსოფლიოში, რომ მოლები, რესტორენები არის მიზიდულობის ცენტრი და ადამიანების დიდ მობილობას ქმნის“, - განაცხადა ნათია თურნავამ.

იხილეთ ვიდეო: სურათი, როცა ფასდაკლებების გამო აჟიოტაჟი შეიქმნა, გვაფიქრებინებს, რომ მოლებიც დიდი გამოწვევის წინაშე დგანან

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 24.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!