პროკურორი - კოკო ღიბრაძემ განმარტა, რომ საბურთალოდან ჩასული არცერთი პირი არ ჩასულა ხიდის ქვეშ გიორგი შაქარაშვილის საძებნელად

კოკო ღიბრაძემ დღევანდელ სასამართლო სხდომაზე დაადასტურა ის ფაქტი, რომ "მერსედესის" მგზავრები, ასევე ის ორი არასრულწლოვანი პიროვნება, რომლის მიმართაც განაჩენია გამოსული, მას და მის თანმხლებ პირებს დაესხნენ თავს, - ამის შესახებ საქმის პროკურორმა დავით ყაზარაშვილმა ჟურნალისტებს განუცხადა.

მისივე თქმით, ღიბრაძემ ასევე დაადასტურა ის გარემოება, რომ ის ორი არასრულწლოვანი უკან მიჰყვებოდა მათ, მსვლელობის მიმდინარეობისას.

"ასევე თქვა, რომ იკითხეს თუ ვინ იყვნენ საიდან იყვნენ, სად ცხოვრობდნენ და გაიგეს, რომ იყვნენ საბურთალოელები. ამავდროულად, მან განმარტა თუ რა ვითარებაში წაიყვანეს ახვლედიანი და გიორგი ქათამაძე, რომლიდანაც ერთი ბუჩქებში და მეორე გზაგამყოფ ზოლში იმალებოდა. ორივე , როგორც "მერსედესის" ასევე "ტოიოტა ქამრის" შემთხვევაში, განხორციელებული თავდასხმის შედეგად პირები იმდენად შეშინებულები იყვნენ, რომ სხვადასხვა ადგილზე იმალებოდნენ ბუჩქებში და ჰქონდათ „პაროლი“, როდის უნდა გამოსულიყვნენ სამალავებიდან. ეძებდნენ შაქარაშვილსაც, ამირხანაშვილსაც და იაკობ ბრეგვაძესაც. ასევე, განმარტა, რომ ხიდის ქვეშ საბურთალოდან ჩასული არცერთი პირი არ ჩასულა გიორგი შაქარაშვილის საძებნელად და ისინი გზის პირზე ათვალიერებდნენ, სადმე ხომ არ იყვნენ ეს პირები", - განაცხადა პროკურორმა.

ფეხბურთელ გიორგი შაქარაშვილის მკვლელობის საქმეზე მცხეთის რაიონულ სასამართლოში ჩვენება კონსტანტინე (კოკო) ღიბრაძემ მისცა.

ცნობისთვის, ფეხბურთელ გიორგი შაქარაშვილის განზრახ ჯგუფურად მკვლელობას არჩილ გაგნიძეს, ნიკოლოზ რევაზიშვილს, ვახტანგ ჩიქოვანს, ზ.ხ-ს და ა.ქ.-ს ედავებიან.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო