კლინიკური აუდიტი, რომელიც არის ჩამოყალიბებული ჯანდაცვის სამინისტროში, მუშაობს და სწავლობს გარდაცვალების ყველა შემთხვევას, რომელიც დღემდე დამდგარა და რომელიც, სამწუხაროდ, მაგრამ მაინც დადგება შემდეგ დღეებშიც, - ამის შესახებ ჯანდაცვის მინისტრმა ეკატერინე ტიკარაძემ საკოორდინაციო საბჭოს სხდომის დასრულების შემდეგ განაცხადა.

მისივე თქმით, უყურადღებოდ არც ერთი გარდაცვალების შემთხვევა არ არის დატოვებული.

„განხილვები მიმდინარეობს. გარდაცვალების ყველა შემთხვევა განხილული იქნება პროფესიულ საბჭოზე და მიღებული იქნება გადაწყვეტილება, თუ რა ქმედებები იქნება განსაზღვრული ყველა ამ შემთხვევაზე. უყურადღებოდ არ არის დატოვებული არც ერთი შემთხვევა, რომელსაც არამხოლოდ საზოგადოებაში, არამედ შიდა წრეებშიც რამე შეკითხვა გაუჩენია”, - განაცხადა ტიკარაძემ.