გიორგი გახარია - ოპონენტებს მინდა მოვუწოდო, რომ ერთმანეთს შეგვიძლია შევეჯიბროთ ჩვენი ქვეყნისთვის უფრო კარგი საქმეების კეთებაში

პრემიერ-მინისტრობის კანდიდატის გიორგი გახარიას განცხადებით, მოქალაქეებისთვის მთავრობის ანგარიშის წარდგენა წლის ბოლომდე გაგრძელდება და თითოეული სამინისტრო წარდგება მოქალაქეების წინაშე.

როგორც გახარიამ მთავრობის სხდომის დაწყებისას აღნიშნა, წლევანდელი ანგარიშები განსაკუთრებით მნიშვნელოვანია იმ გამოწვევების ფონზე, რაც 2020 წელს იყო.

„ამ კვირიდან დაიწყო მთავრობის ანგარიშების წარდგენა მოქალაქეებისთვის. ეს ღონისძიებები წლის ბოლომდე გაგრძელდება და თითოეული სამინისტრო წარდგება მოქალაქეების წინაშე. განსაკუთრებით ხაზგასმით მინდა აღვნიშნო წლევანდელი ანგარიშების მნიშვნელობა, რამეთუ მოგეხსენებათ, 2020 წელი საკმაოდ მძიმეა ეკონომიკური თვალსაზრისით, პანდემიის გამოწვევების თვალსაზრისით და უაღრესად დიდი მნიშვნელობა აქვს როგორ ეფექტურად იმუშავა თითოეულმა სამინისტრომ. თითოეულ მოქალაქეს მინდა ვუთხრა, რომ ეს ანგარიშები ღიაა, ასევე მედიასაშუალებებით შეიძლება მათი ნახვა და ასევე ოპონენტებს მინდა მოვუწოდო, რომ ეს ის პლატფორმაა, სადაც ერთმანეთს შეგვიძლია შევეჯიბროთ ჩვენი ქვეყნისთვის უფრო კარგი საქმეების კეთებაში. განსაკუთრებით დღეს, როდესაც ყველას კარგად გვესმის, რომ 2021 წელი გამოწვევებით სავსე იქნება ეკონომიკური თვალსაზრისით და უაღრესი მნიშვნელობა ექნება გონივრულ, ეფექტურ ერთობლივ მუშაობას“,-განაცხადა გიორგი გახარიამ.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
რა უპირატესობები აქვს სამსუნგის სმარტფონს ოფიციალური ჰოლოგრამით?
სიახლე PSP-სგან - ფრანგული დერმატოლოგიური კოსმეტიკის ინოვაციური ბრენდი SVR უკვე საქართველოშია
გაყინული კრემიდან „თოლიას“ რეცეპტებამდე, ანუ ყველაფერი, რაც ნაყინის შესახებ უნდა იცოდე